Merry Christmas!!

祝大家聖誕快樂, 身體健康!!

頭兩張相片於山頂廣場拍攝, 最尾果張在銅鑼灣拍攝.

搬

十二月初在青衣自然徑, 遇上呢一隻蟻仔, 正在搬動一塊乾了的似乎是草蜢屍體, 本來行得都好順利.

一離開路面入左草叢就大劑啦! 唔小心重跌左入去枯葉下面, 一下又咬錯左木麻黃的枯枝條...

終於成功拉返出來, 個口唔駛咁大呀....

還要用力拉扯.

終於可以繼續前進.

不過在枯枝之間實在難以前行, 經常被鉤住搬運的獵物.

爬了一會, 結果係要休息一下啦, 要張開大口來休息, 莫非甩左口較?

盲椿

這一次出一出舊貨先, 暫時整理一些資料, 加上自己工作繁忙及天氣轉冷, 所以近期沒有出去拍蟲, 而且yahoo的驗證碼真的令人感到沮喪, 令我到處瀏覽及留言的意欲大減, 結果打左幾篇都唔想出住, 言歸正傳, 今次介紹安妥角盲椿, 是半翅目的昆蟲.

第一次見到牠是2001年在馬灣, 之後一直到今年年中才再於蕉坑相遇.

資料指牠並不常見, 我在蕉坑拍攝了多年, 倒是第一次見到.

牠令我印象深刻的地方是在於牠的背部, 長出了一條小柄, 像有一支大頭針釘在背部, 真的不知道有什麼用途.

名字叫盲椿, 不過牠並不是真的盲, 一見到我接近已經想逃走! 但不知道為何叫盲椿.

牠們以植物汁液為食, 體型細小, 但一見到背部的大頭針就認得佢了.