拖字訣

呢一次去蕉坑除了影左山茶盾椿外, 重影左好多蟻. 咦? 但係呢一隻係黑蜘蛛喎!

無錯, 不過我見到佢時佢已經瓜左.

然後有兩隻黑蟻來臨, 經過一輪調查之後, 牠們使出蟻門絕學: 拖字訣

二蟻合力, 天下無敵, 兩蟻努力拖走獵物.

不過大家方向有點問題, 唔多合拍.

其中一隻就唔到力, 於是咬另一個位置.

不過唔得, 又爬去第二度.

下面另一隻一於少理, 咬住其中一隻腳, 死不放口.

第一隻咬蜘蛛的觸手再拖.

終於拖到水泥邊, 其中一隻企埋一邊學野.

另一隻繼續努力, 使出"單拖", 自己拖蜘蛛.

我唔等了......拖成十幾分鐘.....都只係行得數十厘米......