小殺手

八月尾九月頭可能係呢一種獵椿出沒的時間, 在城門水塘遇到很多呢! 

剛到達便遇到一隻正在進食的獵椿.

閃光燈之下眼紅紅真漂亮呢!

到了大城石澗的入口附近又遇到數隻, 這幾隻還要細一點, 拍攝時已經令牠們嚇得四散, 唯有這一隻在迷你的草叢上, 對著一個小洞探測.

你唔走仲方便我拍攝呢! 影多兩張先!

有無搞錯呀! 轉個頭佢居然在小洞找出一隻小蟑螂!同佢差不多大隻都捉到! 並且篤住來逃走呢! 而個小洞點睇都唔似會有咁大隻蟑螂呀!

唔怪之得我在旁邊一路拍攝時, 其他獵椿拿拿臨咁走哂, 而佢就死人都唔走啦!

不過在成功捉到小蟑螂之後, 佢都不敢逗留, 篤住獵物係咁走人, 怕左我呢個龐然大物.

牠的口器倒很好力, 無支撐咁篤住獵物都無問題, 一路係咁行.