雲石芝士蛋糕

屈指一算, 上一次跟R仔整蛋糕已經是一年前的聖誕樹頭蛋糕, 一年之後又約到一齊做雲石芝士蛋糕.

來到學堂, 一切用品已經準備好.

首先當然係師父先講解及示範一次做法, 之後才分組做餅.

自己做野了! 先打碎三塊消化餅, 加入座溶牛油攪勻, 然後舖好做蛋糕底.

之後將砂糖及芝士攪拌好, 形成漿狀.

然後攪拌淡忌廉, 同樣要攪拌成漿狀, 不過千萬不可攪拌成做蛋糕的固體狀忌廉, 因為會好易溶.

然後將兩種漿狀物倒在一起, 用匙攪拌, 然後加入座溶的魚膠液再攪拌.

之後先倒一層做蛋糕底, 然後用四分之一忌廉漿攪拌座溶的朱古力.

倒一層朱古力的忌廉入去, 然後再倒滿忌廉, 基本已經做好蛋糕了.

用竹籤在蛋糕輕輕拉花, 形成雲石狀的朱古力花紋, 我們用剩下的朱古力在上面寫字做記認.

最後放入雪櫃, 忌廉凝結就可以吃啦!! 

回家後Lisa用朱古力粉加上鬆弛熊標誌.

晚上切來吃, 好味道啊!

可惜雲石紋不太顯眼.