京阪神之旅最後一篇了, 自從學識玩夾夾機之後, 每次去旅遊都成為了行程節目之一, 看今次的收獲! 今次計落大約玩了千五元港幣, 主因是今次行程時間長, 而且比較多自由時間, 我每次一得閒便會去看看, 又試玩了不同種類的禮品, 所以比之前玩多了.
首先是這一個頸鍊, 基本上需要逐下夾出來, 因此每次都要夾十多次才成功, 平均要百多元港幣一條, 不過Lisa很喜歡, 有得玩而跟買也差不多, 無乜蝕錢.
第一次玩算是帶點幸運, 約2~3次左右便推了中間的盒仔出來.
日本最好的地方是夾夾一般都較有力, 比較公道, 用多一些錢便可以成功, 再唔得搵職員幫下手, 佢見你係遊客, 多數會幫你手, 結果呢次用一千円多2~3次便成功!
頸鍊設計很精美.
之後第二天在天保山海遊館附近的一間夾夾機.
居然隻大鬆弛熊咁簡單放在機內, 左右都沒有圍欄, 200円夾一次, 難道個夾無力的? 結果夾了一次, 發現個夾都幾好力, 再入500円夾三次, 結果只夾了兩次就成功夾走了啡色熊, 還剩下一次, 通常要轉去另一部機玩, 但今次職員居然立即換上白熊讓我們繼續夾.
於是夾完呢一下之後, 再入多500円玩三次, 夾到第二次成功勾到索帶, 但吊住個勾卻沒有掉下去, 要職員幫忙拆下來, 職員放回在機上面要我再夾一下, 本來應該夾一次便可以.
可惜夾完卻只是打斜, 仍然不肯跌落去, 要再入多200円多夾一次才成功, 結果共用了1400円, 夾了兩隻大公仔都算OK啦.
在Hep Five玩呢一部最難, 當時見到張紙有人玩了一半放棄, 結果我們共玩了二千幾円, 玩呢一部機運氣多過技術, 上面的鐵釘搖搖下, 難以控制, 至衰係唔順氣, 明明張紙快要斷, 偏偏死唔斷氣, 本來我玩了千五円已經放棄, 行一圈見無人玩, 再入多500円仍然唔得, 決定唔再玩, 但大家覺得可惜, 之後Lisa再試了幾下, 張紙終於在最後一次, 自己頂唔順斷埋, 但其實最後一次都未玩完, 浪費左一次, 激死.
呢一部執人死雞, 夾一下夾就到隻鬆弛熊.
呢一部好抵玩, 100円一下, Lisa先試了一次覺得OK, 於是入500円再玩, 最後用了600円共7次便成功夾了1隻大公仔.
這是第二天的收獲...(手機照片沒有做相框)
![](http://4.bp.blogspot.com/-Fjz9E7WcwE0/UphIjcNZWgI/AAAAAAAADpg/eCK6Q79aC7M/s280/IMG-20131110-WA0043.jpg)
呢張係自由時間玩的, 一個人玩時經常忘了影相, 呢一部就夾左幾次, 前後約千多円, 夾了四隻.
吃完一蘭, 早上夾了兩隻, 這個萬聖節南瓜系列只欠白熊, 300円搞掂.
玩的時候忘了拍攝, 這一隻用了近2000円才成功, 不過是會動的公仔, 都OK.
在神戶的世嘉店, 只用了八百円便夾到兩個, 可惜之後夾個鬆弛熊煲, 玩了一千円都失敗.
去神戶呢一日只有幾樣收獲.(手機照片沒有做相框)
第八天行程的自由時間, 又去心齋橋的世嘉玩了一會, 下面兩部機, 玩之前我看了好一會, 才決定好策略去玩, 結果想法沒錯, 第一套匙及叉, 只用了五百円便成功, 當中還有包括幾下測試, 而兩部機都係玩完之後, 職員都不再加返上去, 並且唔准人再玩, 而是在研究如何擺放才難以夾到! 真的令我很有滿足感! 哈哈! 可能發現被我破解了這部機, 這套叉香港賣約150元呢!
下面這一張是職員放上去測試時拍攝的, 因為玩之前沒有拍攝, 我玩完上面部機, 覺得有相當把握, 結果玩下面部機時只夾了兩次便成功, 加起來才700円, 最賺呢兩部, 其實沒有什麼大不了的方法, 只是要小心落夾的位置, 右邊夾要準確勾住盒子的右下角, 但左邊不要勾到盒子, 因為平衡兩邊力會令盒子跣向上, 第一下就跣向上少少, 第二下成功勾中, 升高後向下跌, 便一彈直落下面!
當時職員一行開見我埋去影相, 可能以為我又再玩, 立即回來收起個盒, 笑住講日文, 大約係唔玩得之類啦, 然後收埋個盒唔俾玩, 我手拿住一盒都唔玩住了, 所以最後先拿去給爸爸保管收獲, 才再去玩過, 不過之後一直到離開, 職員都唔入新貨了, 仲拆開啲螺絲試位...無得再夾多一件.
呢一部見到有人玩過, 其中一盒吊了一半出來, 立即執死雞, 而且200円夾三次, 終於200円成功夾到一套, 其實上一手點解唔玩呢? 其實如果熟手, 應該玩多1到2下便可以成功, 但我少玩呢一種, 結果都只用了三下便搞掂.
最感滿足的兩份收獲.
還有各種大小熊仔.
200円三盒, 都算抵左.
這些熊仔平均都係100~300円左右一隻, 今次都幾多執死雞, 不過可惜夾好多其他野都失敗收場, 如手袋, 地毯, 攬枕, cushion, 煲仔等等, 反而試其他玩意用多左錢.
除了中間隻鬆弛熊用了400円, 另外兩個都只是100円搞掂.
呢三隻200円夾三次就成功三隻.
呢幾隻玩左成千円, 逐下夾.
呢一set多數係執雞, 人地夾到差唔多出來, 兩三次就俾我夾埋, 哈, 今次真係玩的很有成功感呢!
計落條數今次都算有進步, 九日玩了1500元, 基本上每次玩之前都停一停, 諗一諗策略, 才入錢, 成功率大增, 唯一美中不足的是經常見到有新精美貨品, 又貪心想試下, 結果最傷反而係玩呢D新貨品.
鬆弛熊鏈無得賣架(\″/)
回覆刪除知啦.
刪除得喇
刪除0_o
刪除個盒都巧靚,抵呀!!一物二用!
刪除正是!
刪除真係無留意連海游館都有
回覆刪除日本周圍都係啦
回覆刪除大公仔個膠圈好吸引,唔夾唔對得住自己!!
回覆刪除哈哈, 你去到都夾左一對啦.
刪除個膠盤咁大,你點夾嫁!!
回覆刪除收穫豐富喎!!!
真係好易, 如果唔留心睇就真係難, 表面就咁睇似係夾唔到的, 不過其實只用右勾勾住盒的左邊唔好勾到, 就一野搞掂, 相信係我玩果陣俾個店員見到.
刪除嘩 ~ 你好勁呀 !! 係咪真係咁易夾呀 ?! 等我下次都試下先 ^.^ ~
回覆刪除在日本真係易好多, 但記得去大公司, 會易一點. ^_^
刪除