黃紋長腹蟌

呢期掛羊頭賣狗肉, 成日講植物, 又講返蟲仔先, 七月尾去左城門水塘, 逗留左一個小時左右,
於小溪遇到蜻蛉目扇蟌科的黃紋長腹蟌. 這是一種很常見的品種,
不過要遠離民居才有較高機會見到, 在森林的溪流生活.

從背部看, 腹部很長, 配上天藍色的身軀.

怎樣看都是藍色, 為何叫黃紋長腹蟌? 色盲? 用Photoshop改色?

非也, 這一隻藍色是雄性黃紋長腹蟌. 黃紋是形容雌性, 將藍色換上黃色便是雌性, 可惜我沒有遇到, 無照片睇.

真的有點變形金鋼Feel.

不能吃的蕃茄

近期有套電影"不能說的秘密", 於是又做一篇不能吃的蕃茄. 生長得如此飽滿新鮮, 為何不能吃呢? 生蟲?

看到警告牌嗎? 蕃茄有毒? 插錯牌?

睇真D, 粒蕃茄又好像同一般蕃茄有點不同. 莖與葉上都有尖刺, 而粒蕃茄, 再睇真下, 表皮看來比一般蕃茄厚, 觸摸時發現比一般蕃茄結實得多, 跟車厘茄差不多大小, 想起蕃茄比較"林"一D, 而且表面看來有點透明, 原來它是蕃茄的同科植物!  其實它是茄科的牛茄子, 也叫癲茄, 食左會癲0架!(說笑, 呢個名咁講會易記D)

細心看癲茄的莖葉等各部分都生滿刺, 表示它極不希望被食草動物吃掉!
不要以為它很罕見, 其實山林的外圍, 路旁都可以見到它的蹤跡.

花的大小形狀跟蕃茄差不多.

它屬於灌木, 若平時沒有果實, 齋睇刺不容易認, 不過一出茄時就完全認得, 小心它的茄子, 因為有大毒, 吃完會出現肌肉抽筋等症狀, 不過卻是一種草藥, 查過網上一些資料, 指有消腫止痛利尿去濕解熱平喘鎮咳袪痰之功效.

比較四種植物

四種植物相似, 若有興趣分辨它們, 可以看下面, 四張相放在一起比較容易睇, 不用click來click去, 無興趣可以不用看下面, 因為是前四篇植物的Summary.

這四種果實山棯及地棯可以吃, 其餘兩種相似但聽說都不能吃.

地棯, 地棯果實很細小,

毛棯, 而毛棯有硬毛.

山棯, 山棯可吃表面完全無毛,

野牡丹,  而野牡丹則很多軟毛.

下列四片相似葉片, 都有數條特別明顯的葉脈.
地棯,

毛棯,

山棯, 這三種葉表面光滑,

野牡丹. 只有野牡丹葉面有毛.

下面紫色花四朵,
地棯, 除了地棯體形細, 四種花都很相似.

毛棯.

山棯, 除了山棯花蕊有點不同及地棯細之外, 外表基本上一樣.

野牡丹, 不要用花瓣分, 因為很多時花瓣數會不同, 用其他部分易些.

講開野牡丹及毛棯, 想起一種蟲, 查下書, 原來佢的幼蟲只吃野牡丹科植物(包括野牡丹及毛棯), 其他植物上找不到牠的蹤跡, 這種食法叫單一物種食性(Monophagous), 情況就像熊貓只吃竹筍, 蠶蟲只吃桑葉一樣, 這種蟲叫東方麗沬蟬(吹沬蟬科). 可參考其同類變身

野牡丹

野牡丹科的主角: 野牡丹出場啦! 花又係紫紅色, 很大朵漂亮.

葉片有數條特別明顯的主葉脈, 同毛棯最大分別係葉面有密密麻麻的毛, 就是呢樣野無留心聽書, 聽錯成為有毛就係毛棯, 認錯左差不多十年...

果實很像毛棯, 不過比毛棯更多毛, 而毛比較軟. 果實唔食得嫁!

同樣係灌木林主要成員, 所以很易認錯.

莖都有毛, 不過比毛棯更多及軟. 有乜理由多咁多毛嫁! 不如倒轉兩個名啦!

山棯

這一種是桃金孃科的崗棯, 又稱山棯或就咁叫桃金孃. 每年春夏都是花期, 秋季便會結果, 通常見到它在水塘地區有很多, 我見到在一些泥沙地特別多, 可能比較適應這些地區. 花朵是紫紅色, 很美. 葉片有三條主葉脈, 很易認. 常是形成灌木林的主要品種.

當花粉接收後, 花兒便會枯萎, 慢慢形成果實.

看到嗎? 成形了! 不過不要心急, 綠色未熟的. 認住果實表面光滑(算係啦), 無毛既!

這一粒又紅又飽滿, 摸上去"林林"地, 係時候收成了! 每年八九月左右最正. 四種植物只有它可以吃.

看裏面的果肉, 又紅又多汁(咁細粒算多啦), 吃落甜甜的, 好好味道, 酸就係未熟.

若果無人食, 果實就會如下圖咁乾左, 最後跌落地.