昨日難得去蕉坑, 不停拍攝了不少照片, 當然要同大家分享下, 昆蟲界其中一種最引人入勝的生活習性, 便是偽裝. 因為殘酷的大自然並不會特別愛護任何一種生物, 只要稍一不慎, 便會成為另一種動物的大餐! 所以不少幼蟲便進化出各種逃避獵人的外表, 如之前有介紹扮蛇的毛蟲(如之前提過: 玩具蛇, 重遇), 生滿尖刺的可怖外表來嚇人(防不勝防), 色彩鮮艷表示有毒(叉角厲椿)等等, 另外還有一些扮成大自然一部分, 如今次介紹的.....扮樹.
驟眼看下圖, 不太容易見到牠, 但其實認真一點看, 便發現有一條樹枝顏色有點不同及長得不自然.
便是中間這一條比較淺色的枝條, 不過頭尾都貼近樹枝, 好易見到.
當牠發現呢一個弱點, 便立即伸起個頭, 即刻唔同講法, 真係似足一條小樹枝了!
留意一下, 單靠腹足支撐身體, 真係會好疲累, 唔俾人食都累壞了!
唔駛擔心, 呢一條係好有安全意識既小蟲, 一早已經佩"安全帶", 用一條絲線拉住, 可以借下力, 又可以防止甩腳跣腳跌下, 一舉兩得!
不過唔係所有蟲仔都用絲線拉住, 只係呢一條有呢個特別情況.
呢排返公司受訓, 日日都朝九晚五, 星期六日落雨, 晚上要睇歐洲國家盃, 休息不足, 沒有出外影蟲. 找找早前數星期的照片, 發現影左一些短柄大蚊的相片, 俾大家睇下先.
每年春季都很容易見到這一種大蚊在樹葉面交配而且動也不動, 其他時間便幾乎不見牠們的蹤跡, 對於幼蟲時期的生活史我也不清楚. 下圖見到一對大蚊, 通常大一點(左)的是雌性, 小一點(右)的是雄性.
其實牠們的口器已經退化左, 成蟲並不會進食, 所以牠們會盡力減少能量的消耗, 全力繁衍下一代!
由於牠們黃色, 又有人稱之為黃體大蚊, 大部分體型巨大的大蚊都不會吸人血, 可惜人們一見到如此巨型的大蚊, 難免想到會被吸一大口血液! 偏偏大蚊巨大的身體在飛行時容易被人追蹤目標, 被人拍死的機會也大大提高....
大蚊當然是雙翅目昆蟲, 即是只有一對翅膀, 另一對翅膀已經退化成為一對平衡棍.
大蚊的腳多數又長又幼, 極易脫落, 所以不要隨便捉住牠們的腳.
去年二月亦曾在蕉坑拍攝牠, 當時又係春季.
交尾的情況.
