黃鐘木

近年好多人都鍾意在香港賞花，網上介紹一啲本地嘅植物情報都多咗，比以往自己四處行四處搵方便得多！

今年網上有資料講喺南昌公園嘅黃鐘木開得好燦爛，所以我又去睇下。

當日嚟到睇睇，開得都幾密，已經有好多花，看來非常壯觀。

黃鐘木又叫黃花風鈴木，因為佢嘅花有啲似風鈴，屬於紫葳科植物。

其實香港一直都有好多花開得好靚，不過香港人一直都無時間留意，但係近年觀賞意識加強咗，令到好多人都會特別留意本地嘅植物開花情況，好像木棉，吊鐘等植物，當它們一開花，便有很多人在網上分享資料。

南昌公園有好多植物，每逢適當的開花時節，就會有好多花同一時間開放，令到觀賞價值大增。

地點就喺南昌港鐵站附近，實在係一個好就腳嘅城市綠洲。

拍攝當日都有好多人一齊喺度影相。

花落嚟嘅時候係成朵花跌落嚟，如果鋪滿成個地下，應該都好壯觀。

過了幾天，天氣更好，經過南昌公園又去拍攝了一會。

藍天映襯黃花更漂亮。

當日是閒日，但仍吸引了大批市民來拍攝。

原來紅耳鵯都喜歡吃黃花，一片片撕來吃。