斑麗與彩裳

呢一隻叫斑麗翅蜻, 以前跟台灣名字叫彩裳蜻蜓. 個人喜歡彩裳蜻蜓這名字, 像身穿彩裳一樣, 總之都是形容牠漂亮的翅膀, 所以有人亦稱之為"蝴蝶蜻蜓".　這一種蜻蜓喜歡生活在沼澤地帶, 特別常見於紅樹林區如米埔, 濕地公園,南生圍等地區, 夏天便很容易見到牠們成群飛行覓食, 很是好看!

雄性與雌性體型差不多, 雄性略大一點, 要分辨牠們很容易, 就是看翅膀. 這兩張照片是上月在南生圍拍攝, 相中的彩裳前翅翅尖透明, 這一隻便是雌性, 雄性的翅膀則全部是黃黑斑紋, 沒有透明翅尖.

空中霸王

這一隻是常見而凶猛的蜻蜓, 名字也很威猛, 叫霸王葉春蜓. 大型的蜻蜓如斑偉蜓或碧偉蜓一般很少在枝幹上休息, 只會在地盤飛行巡邏, 霸王葉春蜓卻喜歡停在樹枝上, 讓我們這些攝影人影過夠, 當有其他昆蟲迫近, 牠便出動驅趕, 牠們一般有3吋長(約7.5cm), 濕地公園的大水池常有牠們蹤跡, 龐大的身軀令牠們成為蜻蜓界的霸王, 而牠們亦會捕食其他蜻蜓.

牠們都是喜歡收起前腳在頭後部, 只用四隻腳站立,當牠們在空中跟其他大型蜻蜓搏鬥時, 在空中追來追去, 就像戰鬥機互相追趕攻擊, 很是有趣!!

後記, 體型上的優勢令牠們可以捕殺其他蜻蜓.

蜈蚣

自從上星期由台灣回來後, 真是忙得不可開交, R仔話我無新Blog, 一睇之下, 差不多有20日了, 對上一篇係6月6日, 呢3個月居然只係去過2次蕉坑影蟲, 實在令人感到難過, 自從3月28日去完之後, 一直到6月2日再去, 現在已經6月尾, 而手頭工作又有一大堆, 好鬼煩!!
蜈蚣一向給人的感覺不太好, 又核突, 又喜歡陰陰濕濕的地方生活, 晝伏夜出, 比較少見面, 不過有時在野外遇到的蜈蚣又粗又大, 所以有時都有聽到咬傷人事件, 最煩係有毒, 所以很多人都不喜歡牠們. 牠們跟千足蟲(或叫馬陸)同屬多足綱, 下圖是4月去台灣時所見,
於陽明山路旁午間獵食.

牠們先咬獵物注入毒液, 可能毒素有消化能力, 所以條蟲溶溶地.

一節有一對腳.

牠對住獵物有點老鼠拉龜, 唔知點食.

最後見到佢拉住條蟲走.

記得細細個時, 好多電影都喜歡用不同動物來做驚嚇片題材, 如金剛, 螞蟻雄兵等, 香港有一套叫蜈蚣咒, 唔記得內容了, 大約係一些南洋降頭之類, 但好記得係, 有些片段成地都係蜈蚣走來走去, 又有一幕有個人口中爬出大量蜈蚣, 當時好驚, 不過大個左, 睇過咁多戲, 而家唔驚了, 見到佢, 仲要玩佢一輪.

變色的蜻蜓

以下介紹六斑曲緣蜻, 身體細小, 大約一吋多些, 飛行速度高. 這是我去年在蕉坑遇到的, 牠並不常見, 也不算罕見.

一般生活在沼澤區, 但前兩天到蕉坑時發現該小沼澤位已經開發左, 今年可能見佢唔到了. 身體黃色, 當時我都好興奮, 因為我都係第一次拍攝牠. 這時牠剛剛羽化.

數天之後, 又再遇到牠, 已經成熟左既佢, 顏色唔同哂.

其實有不少蜻蜓不同階段會變色, 有些生出白色粉末, 有些雌雄蟲相似, 有些不同顏色, 要認識及學習牠們真的不容易!!

身穿金屬甲

終於, 昨日有一天假期, 與R仔去左蕉坑行一轉, 可惜之前返夜班, 早上起唔到身下午才到達. 一般天氣炎熱的下午, 蟲仔都會躲起來避暑, 但已經發狂的我唔理咁多, 去左先算. 總係有D野睇下既!! 今次遇到久違的紫莖甲, 佢係鞘翅目昆蟲(即係甲蟲), 金屬色的身體就像鐵甲蟲. 如圖所見, 後腿很粗壯.

以下圖片是05年7月拍攝, 當時蕉坑種了一些豆類植物吸引了一批前來,
牠們的顏色有時偏紅, 有時偏藍, 但都是金屬反光色, 非常漂亮!!

牠們會在植物的莖上產卵, 幼蟲便生活在植物內, 所以雖然漂亮而少見, 都算害蟲. 其實害唔害蟲只係人定, 對人有害就叫害蟲, 無法啦.

去年在馬來西亞的沙巴拍攝到一隻金屬綠色的吉丁蟲, 非常搶眼.

另有一種金屬綠色的叩頭蟲都是我喜歡的蟲, 牠比較常見, 偏偏每次遇上我都沒相機在手,
只影過一次這隻被繩纏住而死的身軀...

好在師父送過一張給我, 將來再遇, 定必影返夠本!!