鬼臉天蛾

七月初去了流水響水塘行山, 回程時經過鶴藪水塘, 發現其中一棵樟樹上有一隻鬼臉天蛾, 牠其實是一種天蛾科飛蛾, 體型屬於較大的蛾, 一般約有6至8厘米長.

顧名思義, 牠的背部就有一塊像鬼臉的花紋.

像不像鬼呢?

還好像笑緊呢.

 之後發現另一棵樟樹上又有另一隻鬼臉天蛾.

這一隻位置較低, 可以拍攝到牠的複眼.

這一隻的鬼臉有點不同, 兩眼有大白圈的.

放大一點看看.

大草蚊

或者是太耐沒有去蕉坑, 當日去時天氣回暖, 很多蟲仔都返哂嚟, 影相影得好開心!

發現了這一隻巨大的大草蚊在草叢, 當然不能錯過!

大草蚊屬於雙翅目昆蟲, 以植物汁液為食, 不咬人吸血.

雙翅目昆蟲特徵係只有一對翅膀, 後翅退化成一對平衡棍平衡身體.

牠身體有一吋長(不計腳部), 不清楚的話隨時被嚇一跳, 咁大隻蚊要吸幾多血先夠?

看看手指比較一下.

再放大一點看看頭部.

同時又遇到另一種大蚊, 牠亦是吸草汁做食物.

鐵甲奇蟲

以前都介紹過這一種甲蟲, 這是鞘翅目的鐵甲, 身體非常細, 只有5毫米長.

當日在蕉坑其中一棵露兜樹上相遇, 真的小得像一粒芝麻.

牠慢慢地在葉邊向上爬.

看牠跟露兜葉上的刺比大小.

牠的腳只能抱住刺的尖端.

放大一點可以看清楚, 細小的身體, 進化出全身尖刺來保護自己.

當時見佢唔知想去邊, 轉來轉去.

牠雖然細小, 但同樣具有飛行能力, 就像鐵甲奇俠.

我最喜歡甲蟲, 越古怪越喜愛, 當然都喜歡鐵甲, 全身刺相當有型.

只是牠身形太小, 較難發現, 有機會再相遇時再拍攝過.

見牠繼續努力向上爬, 我也繼續我的行程.

蒸氣石鍋

近期香港興食蒸氣鍋, 上星期我都跟幾位老友去咗食一餐海鮮蒸氣石鍋, 是位於西環的潮福蒸氣石鍋酒樓, 一去到見到好像一頂草帽放在枱面.

看一看石鍋, 開始之前裏面乜都無, 似打邊爐的鍋.

先去選海鮮.

點好了食品, 然後便等待開餐, 當時都未知點食.

我們點了排骨粥底, 原來將是生米生排骨及南瓜放在鍋内, 水都唔駛加.

之後一開爐, 原來就在上圖的銀色鍋底邊的小洞噴出水蒸氣, 一開就好大煙.

然後加上蒸盤.

再蓋上草帽就可以繼續等食.

海鮮到! 先食大蜆! 放入大蜆之後, 調好時間掣, 然後蓋上草帽等蒸熟.

 一般海鮮只需蒸幾分鐘就食得, 夠鐘會有聲音提示.

蜆很快就食得了!

之後到小象拔蚌.

還有龍蝦!

熟咗之後再加上一些蔥花, 然後再焗多一陣更香.

最後是吃鮑魚.

每樣食品逐一蒸, 其實時間不算耐, 因為食緊一樣時, 就放入另一款入去蒸, 等的時間都不會覺太長, 這一款是蒸雞.

最後是肉蟹蒸糯米飯, 呢隻蒸最耐, 要蒸12分鐘.

眨下眼就蒸熟了! 成隻蟹都紅哂.

糯米飯都好好味.

最後掉埋個蟹蓋落去粥底, 加多少少水再煲多一陣.

加左水, 粥底浸到上蒸盤.

粥底非常鮮味, 之前幾種海鮮蒸完的湯汁倒流落去粥內, 令瘦肉粥變成海鮮瘦肉粥, 正! 呢一餐最後吃了$1700, 每人四百幾蚊, 都幾飽幾好味.