三斑之戰

出埋下集先, 同樣是在新娘潭拍攝的照片, 當時見到兩隻三斑鼻蟌在對決.

豆娘是凶猛的昆蟲, 牠們的打鬥比想像中斯文, 兩隻雄性打鬥, 相信不是為雌性, 就是為領土而戰.

翅膀在陽光下發出異樣的金屬顏色.

後面果隻不斷在空中拍翼威嚇前面果隻, 前面果隻一於少理, 只是間中拍動翅膀反擊.

雙方來往拍翼幾次, 似乎無乜進展.

突然後面果隻衝前撞向前面果隻, 看來似乎想咬佢, 前面果隻立即飛開.

在另一塊石上休息, 拍攝位置更佳, 不過後面果隻唔放過佢.

附近還有很多隻三斑鼻蟌, 真是拍個滿足!

2016新年快樂

農曆新年又到了! 先祝大家猴年新年快樂, 身體健康, 新春大吉, 恭喜發財!

相比過去幾年, 今年在新崗位更加忙, 果然應驗了沒有最忙, 只有更忙的說法, 人無論如何壓迫, 總會有方法繼續生活.

今年行了幾個花市的水仙花, 見到都開得不多, 不知是否天氣突然轉冷有關.

除了傳統年花, 近年一些其他花種如蘭花等都很受歡迎, 還見到鬱金香.

不過都有所謂年年難過年年過, 希望來年唔好太辛苦, 但可見將來都係會好多工作.

踏入2016年, 自覺得身體似乎開始好轉, 拖拖拉拉持續又好又翻發了幾個月的感冒, 似乎終於好返, 希望能真的好返哂.

近幾年工作忙, 去影相時間少左, 連賀年的照片都沒有慢慢找, 只覺得自己回家後真的不想做野.

來年希望最緊要係身體健康, 希望工作上手後, 更加順利.

亦希望能多到郊外走走, 恐怕郊區將來都可能會被政府劃地建築住宅, 細個時聽說的人類會令大自然消失的故事, 已經一直上演, 現在更迫在眉睫.