今日見到佢地, 佢地都係吃得好開心, 叫得做夾竹桃天蛾, 佢當然喜歡食夾竹桃啦! 不過今日唔係食夾竹桃, 而係夾竹桃科既長春花. (我都係今日至知)
今日見到牠們都差不多是終齡幼蟲*, 圖中是我的尾指, 其實比五年前見到的細條左. (*幼蟲最後一次脫皮後叫終齡幼蟲, 即不再脫皮, 是等待結蛹或變成蟲)
呢隻開始變色, 食飽D就係時候結蛹!
唔好睇錯, 下面D花係千日紅, 牠們不吃的, 只不過剛好種在下面.
係咪好心急想知夾竹桃天蛾係點樣呢? 夾竹桃天蛾很漂亮, 一身迷彩圖案, 飛得很快, 一對翅膀拍動速度極高, 能像蜂鳥一樣凌空定著身體吸花蜜, 一般天蛾都是這樣進食的, 不過夾竹桃天蛾並不常見, 多數只有牠停下才能相見, 下圖是牠飛入我公司, 停在地上, 被我捉住影一輪相後放生, 都係2001既事了. 係唔係好靚仔呢? (舊相)
龍翔道觀景台影夜景，我記得，果晚雷健咁有雅興係因為..... 夾竹桃天蛾？係咪我同你一齊返DE果次0係locker房影？即係而家我來電顯示你幅相.....
回覆刪除哇~~~~~!!!!! 你居然.... 你居然... 用手拎住條蟲!!!!! 哎也... 我見到呢d肥蟲蟲毛骨都豎起晒架... 一睇到你呢張相, 我都即係打冷震啦... 不過, 我都唔係唔鍾意蟲蟲, 只係真係有d怕怕囉, 嘻嘻... 而家有得睇你d相都不知幾好. 好精彩呀, 唔同角度都影得好好呀~! 呢隻蛾同佢既幼蟲我都見過, 但唔識, 而家又上左堂生物課啦! 多謝"老師"!!! 哈哈...
回覆刪除真係好大條喎！ 不過我都唔會用手掂佢！
回覆刪除我都唔敢用手掂, 我驚手痕. 不過, 綠綠地都幾靚仔, 黃左反而唔靚, 成蛾就更加醜樣.
回覆刪除多謝各位, 我都係依書直說, 不過我就覺得條蟲肥0都0都, 好可愛, 都係忍不住要摸下, 滑0都0都好好摸嫁! 唔會痕嫁!!
回覆刪除係呀係呀, 包包地幾可愛 可能沙沙郡主都係咁諗
回覆刪除喂喂喂, 幾年前我都同你去過果度... d 虫成條香腸o甘粗!!! 你叫我--用--手--拎--住--條--蟲--比--你--影--相 !!! 同時對眼不停發射類似小新o既純真熱切眼光: 好滑架好可愛架你摸o下... 最後....... 我惟有離遠用條樹枝撩o下 o
回覆刪除嘩!嘩！ ！好肥好得意...
回覆刪除係未好似d "鮮豔"蛙咁, 鮮豔扮蛇虫係有毒架?
長春花有毒? 点解我外甥嗰老師比d 種子佢地種架....d老師本身既"通識"都吳夠
[版主回覆10/22/2007 19:12:00]唔一定, 不過通常鮮艷的警告色多數有毒, 扮蛇係嚇下人, 唔係表示有毒, 其實身邊好多植物都有毒, 如軟枝黃樿, 硬枝黃樿, 黃花及紫花夾竹桃, 蓮生桂子花, 長春花等都係有毒, 但花朵美麗, 所以照樣四處種, 無乜所謂啦, 只要大家唔好食就無事啦!