辣手摧花

再次介紹鞘翅目的昆蟲, 即係甲蟲, 甲蟲是種類最多的昆蟲. 下列都是芫菁科(有叫地膽科)Meloidae.

牠叫豆芫菁(音元精), 黑色身體紅色頭, 相當特別易認. 牠們一般吃樹葉.

真正摧花者出場, 牠是大斑芫菁(或稱橫紋芫菁), 最喜歡吃花, 係, 係花, 一口一口食花瓣, 最常見係食路邊的馬嬰丹.

大紅花咁好味, 忍得住口至出奇. 咬!  牠們多數群居, 有時很多隻同時出現.

有時牠們的斑紋係紅色的, 而一般豆芫菁有兩種, 斑芫菁有三種極相似種類, 我都唔多認得, 不過叫芫菁一定無錯.

牠們有毒, 不要隨便吃, 當牠們受騷擾會分泌毒素, 皮膚接觸會引起水腫或出水泡等過敏症, 切勿搞牠!! 而牠們分泌的毒素叫芫菁素, 有劇毒, 卻是一種歷史悠久的中藥, 可治多種疾病, 網上見到話可以醫利尿, 促進生髮, 發泡劑, 甚至可以當發情藥, 不過由於有毒, 服用切記要遵照醫生吩咐!!!