朝生暮死

前日(2007年2月27)同好友朱雄再次前往林村梧桐寨瀑布, 因為我想再去睇凸眼蠅, 點知今次在主瀑, 同朱雄一齊見到另一隻特別蟲蟲: 蜉蝣 (蜉蝣目昆蟲). 大家都知佢係好短命, 其實佢有差不多一年命, 只不過幼蟲時期生活在水中無人見到, 之後成熟孵化做成蟲, 就不再進食, 就只剩下一至數天的生命, 全力延續下一代, 人們見到成蟲便有錯覺以為只有一天命. 當日我們在主瀑發現有一隻蟲有水面飛下飛下, 像蜻蜓點水, 不過牠一直只是在上下跳動, 並無點落水. (位於下圖枯葉上面)

終於牠停一停休息, 腹部有一粒橙色物體, 似乎是卵. 蜉蝣前翅發達, 後翅退化, 最易認就是尾部有兩至三條長長的尾絲. 看清楚, 才影了一張相, 牠又出動. 其實牠們都很像蜻蜓.

今次又去飛飛下, 並且一點水便放下橙色物品.

橙色物沉到石縫間.

在石旁另有一些估計是蜉蝣的脫皮.

水中不同品種的蜉蝣幼蟲.

這一種瘦長形.

另一種蜉蝣, 牠只有約一厘米左右大小.

之前我說過, 凡有翅膀的昆蟲, 當見到牠們時有翅膀的話, 代表牠們已經是成蟲, 這句說話唯一的例外就是蜉蝣. 因為蜉蝣從水中羽化成為亞成蟲, 此時牠很像成蟲, 有翅膀能到附近樹木休息, 再脫皮一次成為正式具有生殖能力的成蟲. 當然還有今次的目標蟲仔: 凸眼蠅. 除了見到雙翅目外, 真的一無所知.

今次見到牠的平衡棍, 還見到牠做 "捽"手動作, 真的似蠅了!