舉尾蟲

有時間執下台灣相先, 今次去大板根森林遊樂區, 有一片原始熱帶雨林, 我沒有深入去行, 但是都在邊界走了一轉, 便已經遇上一隻香港很罕見的昆蟲: 舉尾蟲(又稱蝎蛉) 牠叫斑翅蝎蛉, 食腐肉及腐植, 基本上雜食, 屬長翅目昆蟲, 通常只有原始森林才發現.
全球約有500種, 台灣目前已知有42種. (網上資料)
呢一隻就係雌性舉尾蟲, 背部無特別, 但可以見到斑翅.

側面就見到特徵: 特長的口器及舉起的尾巴. 這是一種嘴嚼式口器, 我都唔知咁長有乜用.

呢一隻就係雄性斑翅蝎蛉, 雄性既尾巴更特別, 有像蝎子的尾巴, 不過唔係毒刺, 而係特別發展出來的生殖囊, 亦因似褐子尾巴而稱為蝎蛉, 不過我也所知不多, 只係認得佢.

舂米公公

我細細個的時候, 曾經在家中見到這一隻黑色會飛的昆蟲, 爸爸捉住牠兩隻長長的後腳, 牠細小的腹部上下擺動, 連帶身軀像不斷鞠躬似的, 爸爸告知我牠叫舂米公公, 因為成日捉住牠時會做像舂米的動作, 自此我同弟弟自小都叫牠做舂米公公. 時至今日, 我都咁樣叫佢, 不過, 其實佢既真名叫旗腹細蜂/瘦蜂(Ensign Wasp), 叫做旗腹, 一睇就知佢個腹部非常細, 又好像一支旗幟在擺動因而得名. 屬於膜翅目的細蜂科(有譯做瘦蜂科Evaniidae). 相信大家對牠都不會陌生, 因為間中便會見到牠飛進屋企飛來飛去, (如果大家無見過, 就可能只係我屋企污糟啦)雖然佢係蜂, 但大家都唔駛怕佢, 因為佢係益蟲! 

昨晚(25/4/2007)在約左Lawbut去某茶餐廳宵夜, 由於我先到, 便先吃了一碗牛什河, 突然呢一隻舂米公公飛來牆邊, 我立即取出數碼相機影下佢. 

黑黑的身體, 的確又細又瘦, 腹部細得完全唔成比例.

牠在牆壁爬來爬去, 我當然唔放過佢, 係咁影.

之後又飛去胡椒粉瓶.

突然飛去我碗已經吃完的牛什河, 一頭飛落去...我救番上來已經返魂乏術...熱死左...

之前講過話佢係益蟲, 若果見到佢都咪整死佢, 因為佢最大的本領, 就是找曱甴. 因為佢係一種寄生蜂, 要找曱甴的卵囊產卵, 牠的幼蟲便會吃掉卵囊內的曱甴蛋, 破囊而出時已經係成蟲了! 曱甴很古惑, 卵是在卵囊之內受保護, 一個卵囊內約有12粒蛋,  好在物競天擇, 牠們自有其天敵! 咦? 舂米公公常常來我家, 莫非我家好多...

至於成蟲食乜野, 我無資料, 應該唔針人既, 我爸爸都係落手捉佢...

噢! 終於哂完台灣既相, 都未得閒過....唉!

台灣的柄眼蠅

上星期去左台北及阿里山共玩左8日, 菲林加數碼相差不多影左千八張相, 主要數碼相, 因為一家人去玩, 合照自然多些, 數碼相約一千六百多張, 影時過癮, 回家後做餐死...
不過最驚喜係遇上柄眼蠅, 之前介紹過, 香港在梧桐寨見到, 其他地方我就未見過, 今次我就在台灣遇上柄眼蠅, 相信牠們都不算太罕見, 只係香港比較少見到牠.
這一隻拍攝於台北陽明山(15/4/07), 影得最清楚所以放第一.

呢一隻拍攝於嘉義縣梅山鄉瑞里的山區(13/4/07).

今次台灣之旅還有很多蟲仔相, 希望可以儘快同大家分享...再努力D先...

黃金間碧

我們常常見到竹, 古語有云: 寧可食無肉, 不可居無竹. 可見竹係中國文人雅士所喜愛. 竹屬於禾本科植物. 今次介紹呢種黃色的竹, 不要以為黃色係枯萎左! 它有一個很好聽的名字 -- 黃金間碧竹.

佢同一般竹無乜分別.

葉都係差不多.

最特別就係呢D青綠色的紋, 所以叫做間碧, 用碧字代表碧綠, 我就覺個名改得好好.