我細細個的時候, 曾經在家中見到這一隻黑色會飛的昆蟲, 爸爸捉住牠兩隻長長的後腳, 牠細小的腹部上下擺動, 連帶身軀像不斷鞠躬似的, 爸爸告知我牠叫舂米公公, 因為成日捉住牠時會做像舂米的動作, 自此我同弟弟自小都叫牠做舂米公公. 時至今日, 我都咁樣叫佢, 不過, 其實佢既真名叫旗腹細蜂/瘦蜂(Ensign Wasp), 叫做旗腹, 一睇就知佢個腹部非常細, 又好像一支旗幟在擺動因而得名. 屬於膜翅目的細蜂科(有譯做瘦蜂科Evaniidae). 相信大家對牠都不會陌生, 因為間中便會見到牠飛進屋企飛來飛去, (如果大家無見過, 就可能只係我屋企污糟啦)雖然佢係蜂, 但大家都唔駛怕佢, 因為佢係益蟲!
昨晚(25/4/2007)在約左Lawbut去某茶餐廳宵夜, 由於我先到, 便先吃了一碗牛什河, 突然呢一隻舂米公公飛來牆邊, 我立即取出數碼相機影下佢.
黑黑的身體, 的確又細又瘦, 腹部細得完全唔成比例.
牠在牆壁爬來爬去, 我當然唔放過佢, 係咁影.
之後又飛去胡椒粉瓶.
突然飛去我碗已經吃完的牛什河, 一頭飛落去...我救番上來已經返魂乏術...熱死左...
之前講過話佢係益蟲, 若果見到佢都咪整死佢, 因為佢最大的本領, 就是找曱甴. 因為佢係一種寄生蜂, 要找曱甴的卵囊產卵, 牠的幼蟲便會吃掉卵囊內的曱甴蛋, 破囊而出時已經係成蟲了! 曱甴很古惑, 卵是在卵囊之內受保護, 一個卵囊內約有12粒蛋, 好在物競天擇, 牠們自有其天敵! 咦? 舂米公公常常來我家, 莫非我家好多...
至於成蟲食乜野, 我無資料, 應該唔針人既, 我爸爸都係落手捉佢...
噢! 終於哂完台灣既相, 都未得閒過....唉!
被你望住佢幹活！緊張得制連性命都賠上了！
回覆刪除給你勾起兒時的回憶 當時見到這個小飛蟲 一手拍跌落地 跟著捉拿在手 拔去雙翼 放在檯上 手持木簡尺 初時從後追趕 繼而在前攔截 玩牠大半天 生厭了便朝腰間一砍 或頭上一拍 結束牠的蟲命 但已有多年無見 已把牠忘掉了
回覆刪除我見過未呢? 咁得意捉住佢會郁郁貢?
回覆刪除喵喵, 你都好恐怖...我至多都係捉住養起佢, 不過以前好多時唔識, 養死哂...
回覆刪除Jacky 多謝你的詳細介紹，在下都知牠們是益蟲。 我就不會去捕捉牠們，因為容易不小心弄傷或弄死牠的，太細小了。 在下小候聽說過，這些昆蟲存在是好的，但不知好在那裡？可能小曱甴是其中之一。 希望你可以保護這些小昆蟲！ 祝 五一節快樂
回覆刪除維維學園: 要保護就要全世界人一齊做, 要讓多些人認識牠, 否則係人見到佢個樣, 都會以為佢地係害蟲, 一野拍死佢, 我已盡力同朋友們多介紹各種動植物, 盡量叫大家都避免影響大自然, 可惜人類的確很難完全不去破壞自然, 如我去影相, 其實都會嚇怕牠們及阻礙牠們日常生活, 唉! 大家一齊努力吧.
回覆刪除佢應該叫舂河粉公公．
回覆刪除哈哈... 早前有隻舂米公公飛左去我媽咪個頭上面, 跟住同家人一齊講起啊! 我其實冇細心望過舂米公公, 但細細個媽咪就話俾我地知佢叫舂米公公, 我好鍾意呢個名, 覺得佢好親切架!
回覆刪除哈! 我以為我爸爸作個名出來, 原來俗名真係咁叫.
回覆刪除係呀, 連我老公細個到而家都係叫佢舂米公公架!
回覆刪除感謝到訪我的日誌!
回覆刪除小時侯我爺爺也教我這種昆蟲叫樁米公公, 說是益蟲不要弄死它, 它的尾巴上下擺動真的很可愛喔!
[版主回覆04/01/2009 16:58:00]客氣了! 細個唔知是什麼益蟲, 大個至知, 以前一代很多事物都是口口相傳, 而不明道理, 引致很多人以為是迷信, 其實並不盡是迷信, 只是現代人不知背後道理, 而前人又不懂解釋.