奠

十月中去了一次鳳園, 當日同幾位老友去影下蝴蝶, 其實自己很少去鳳園,

因為自己對蝴蝶興趣一般, 自己喜歡看甲蟲臭蟲蜻蜓,

所以如果一個人影蟲多數選擇去其他地方看蟲, 但去到鳳園當然要影蝴蝶, 

不一會便發現其中一朵軟枝黃蟬有一隻弄蝶在吃花蜜, 分蝶我係有限公司,

弄蝶更加是難分之蟲, 唔緊要, 通常進食中的蝴蝶比較分心, 拍攝容易, 影左先算. 

行近一點...........又行近一點..........

再行近一點.............咦? 佢望住我既?

睇真D, 牠的翅膀頂住, 令頭部扭轉斷頸而死, 從花瓣上面有些鱗片來看,

牠可能曾經掙扎, 但若果掙扎過應該鬆脫下來, 為何牠會這樣死呢?

蟲腳離地, 只靠翅膀支撐屍身, 莫非吸完花蜜一起飛便頂死自己?

小弄蝶....安息吧....真是離奇命案....