然後參觀州立清真寺。
下午二時出發，約四時十分到達目的地，Klisa River.中途遇上雷雨，不過經過幾天的經驗，雨雷很快便會停。
先在河邊小碼頭吃茶點及講解一些注意事項，如不要大聲叫影響長鼻猴之類的守則。
上船出發！
原來已經有一船人在靜觀河岸。
我們常常聽到樹葉聲，又有動物叫聲，卻一直看不到長鼻猴，也不確定是否長鼻猴，結果在河道找了一段時間。
突然見到了！可是距離很遠！圖中單手吊在樹上的便是長鼻猴！牠每次跑跳也引來人們的低呼！長鼻雖看不清楚，但是大肚腩也是牠的特徵！可是這張crop了的相已是最清楚的照片了，所以我決心下次一定要再來看！
傍晚美不勝收，回程到小碼頭附近。
於小碼頭等候日落，然後舉頭一看，原來是數以萬計的螢火蟲！居然數量多得可以令附近的樹木變成聖誕樹般！可惜螢火蟲已經難拍攝，還要在船上，無得影，只有收在我的腦海內回味。
於小碼頭吃晚餐，再坐兩小時車回酒店，晚上車道沒有街燈，而車亦不多，領隊開車極快，老實說都很擔心會發生意外，好在平安回到酒店。
這幾天每天下午都會落雨，而且多數是行雷閃電，但半小時至一小時左右便回復青天無雲，來得快去得快，難怪以前讀書時叫熱帶雨林(Tropical Rain Forest)！野生長鼻猴拍攝不到，送上濕地公園的標本給大家看看。
我本來都想問你有無標本睇, 因太遠根本睇唔到佢係點樣.
回覆刪除我相信下次一定影到...因為^O^
[版主回覆02/16/2008 03:05:00]其實今次菲林機已經影到, 不過係好細看不清楚, 數碼相則只有一張, 無法啦.
果隻長鼻猴真係好似popeye裡面，暗戀佢唔識講野果個愛斯基摩女人
回覆刪除[版主回覆02/16/2008 02:53:00]我唔知邊個女人....
"Alice The goon"
回覆刪除http://www.theneitherworld.com/popeye/alice.htm
有少少可怕影唔到長鼻猴
回覆刪除[版主回覆02/16/2008 16:34:00]影到菲林, 不過都唔係好清楚.
我某年去沙巴好懶散咁過,無上山又無睇 猴, 淨係去咗個島,所以感覺好一般。快d寫續集....登神山?
回覆刪除[版主回覆02/16/2008 16:48:00]
無上山, 不過去左另外一邊的山打根. 下一篇我已經打好左, 會跟住出埋, 敬請留意!
原來是數以萬計的螢火蟲！居然數量多得可以令附近的樹木變成聖誕樹般！可惜螢火蟲已經難拍攝，還要在船上，無得影，只有收在我的腦海內回味 。
回覆刪除我在多年前只在西貢北近猴頭溪處見過三三兩兩的螢火蟲，所以我想將你消錄在你的腦海裏的影像，在我的電腦上播放和欣賞。
[版主回覆02/17/2008 16:28:00]我都好想呀! 台灣花蓮鯉魚潭及阿里山的瑞里我都曾經看過大量螢火蟲, 雖然無呢度咁多, 但都好好睇!
好美的日落景呀
回覆刪除[版主回覆02/19/2008 18:44:00]係, 當日真係無得頂!
哈哈！睇晒你今次呢嗰沙巴之旅一條虫都無喎！
回覆刪除[版主回覆02/27/2008 04:17:00]其實都有一點, 不過影得一般, 而且主要睇其他野, 所以無貼. 之後在吉隆坡蝴蝶館就影左好多張. 在山打根就有好多一點蟲仔相, 因為有自由時間去搵, 呢幾日無咁多時間搵.