回憶完旅行了, 係時候出吓舊相先! 23/08/2009在山頂行一轉, 在路途上遇到這一隻食蟲虻(雙翅目昆蟲).
牠體型屬較大隻的品種, 約有3厘米長, 停在路旁介紹植物的展示板上.
影下近D, 影影下便飛走了.
行左一陣, 之後在欄杆又遇到另一隻, 體型差不多.
影張正面先.
睇下佢個咀, 又粗又尖, 用來插入其他蟲仔身體一定好痛......
再看看牠的複眼.
放大來看可以見到無數的小眼, 被牠看上的獵物, 難逃一死!
跟我的鏡頭蓋(55mm)比較, 可看到牠體型不小!
一對巨大強力的翅膀令牠能高速飛行, 在空中追趕捕捉獵物!
另外值得留意的是牠的腳, 蒼蠅的腳跟一般昆蟲有很大分別, 一般蟲蟲都有鉤在腳尖, 以便爬行及抓住地面, 而牠們更擁有像壁虎的結構, 可以緊貼在光滑的地方爬行, 所以蒼蠅能像壁虎般在光滑垂直的玻璃面穩固地爬來爬去!
隻眼敢大黐塵吹沙入眼的密度應該都幾高.
回覆刪除大特寫所見好似好乾淨
[版主回覆11/22/2009 05:36:00]佢應該無眼淚, 表面光滑, 唔黐眼!
好似拍緊異形咁
回覆刪除[版主回覆11/22/2009 05:34:00]唔似吧....佢咁有型...
嚇死人
回覆刪除[版主回覆11/22/2009 05:34:00]說笑了! 成日影蟲的亞公怎會怕呢!
兩隻都咁乖......
回覆刪除[版主回覆11/22/2009 06:48:00]師兄咁早出動! 係呀, 兩隻都係一降落停低就唔郁任影. 正!
想起幪面超人三號!!! 勁呀!
回覆刪除[版主回覆11/22/2009 18:22:00]幪面超人都係用昆蟲做超人嘛.
WA 又系 ↓↓↓↓↓↓↓↓↓↓↓ A
回覆刪除[版主回覆11/22/2009 18:22:00]謝謝.
好核突~
回覆刪除[版主回覆11/22/2009 18:23:00]下...算靚仔喎....
生物解剖?不過用相機做刀!
回覆刪除[版主回覆11/22/2009 18:29:00]謝謝師父.
你究竟係咪識得同昆虫溝通架?! 連條毛都比你影埋!!
回覆刪除[版主回覆11/23/2009 04:06:00]我將佢地催眠....講笑姐, 其實都要好好彩先遇到.
仲有... 想問你好耐喇, 成日都唔記得, 最頂的25格大頭相, 全是你手筆嗎?
回覆刪除[版主回覆11/23/2009 04:11:00]除了有特別需要引用別人的照片, 呢一度所有照片都係我影的, 不過有放大少少, 因為分成咁多格變得好細隻, 而且其實多數有網誌介紹過, 不過要慢慢找先找到.
有夢 最美啦~~加油！ 元氣滿點！
回覆刪除[版主回覆11/24/2009 06:16:00]灌水!
嘩, 老細, 好激吓喎...驚驚.
回覆刪除[版主回覆11/24/2009 06:15:00]唔駛怕喎.
心驚!!!
回覆刪除[版主回覆11/24/2009 06:15:00]唔駛驚.
真 灌水 凡惹來了真的灌水, 不留言對不起妳呀!!!
回覆刪除[版主回覆11/24/2009 18:26:00]灌水....
真係好大隻喎.
回覆刪除腳同眼的結構好美, 好利害
[版主回覆11/26/2009 08:37:00]好多昆蟲都姿態優美呢!
佢...好毛茸茸...不過唔可愛!
回覆刪除[版主回覆11/27/2009 06:40:00]烏蠅都係輸蝕d.
好細致
回覆刪除[版主回覆11/29/2009 20:21:00]謝謝.
你擺個蓋係度都嚇佢唔到呀!都唔飛走 ge! 好有膽量 bor!
回覆刪除[版主回覆11/29/2009 20:21:00]係慢慢推埋去, 以免嚇親佢.
師兄台灣之旅精彩之極.... 請間台灣有冇地方專影蝴蝶旣地方 謝謝
回覆刪除[版主回覆11/29/2009 20:28:00]有, 最著名係茂林風景區, 每年都有數以萬計的蝴蝶遷移, 在茂林聚集一起過冬, 跟墨西哥的帝王蝴蝶遷移並列兩大遷移奇景, 冬天到茂林可以見到一棵樹佈滿蝴蝶的奇觀, 主要是斑蝶, 有時間可以安排去看看啊! 台灣各個山區都有很多蝴蝶拍攝, 幾個國家公園都有很多介紹.