西貢海釣

六月十四日放了一星期大假, 今次遇上世界盃及端午節, 沒有出外旅遊留在香港, 過了整個星期在港日間四處跑, 晚上睇世界盃的日子. 以前我一放假, 便會帶著相機四處拍攝, 近幾年來卻四處旅遊, 因為工作環境改變, 加上早兩年放假機會減少, 積下了不少大假, 所以一有大假便四處找各方朋友一起玩下聚聚, 所以反而少左在香港四處跑跑.

第一天便約了幾位好友出西貢海釣, 一早便到西貢碼頭食早餐, 然後便買釣魚用品.

買魚餌及釣魚排, 還買了幾隻死蝦.

我已經長期無釣過魚, 釣魚排早已掉左了, 魚竿亦送了俾朋友, 所以又要再買過.

我們乘舢舨出西貢海釣魚, 回想原來已經約有六七年沒有釣魚了, 所以心情都很興奮.

出海時間當然是準備一下用品, 掛鉛及綁魚鈎.

今次的主要魚餌: 青蟲.

到了目的地, 釣了一小時左右, 船家妹姐話有雨氣要起錨轉地方.

果然開船幾分鐘便落大雨!

幾分鐘後又出藍天, 如此天氣一天來來往往幾次呢.

而附近水域都頗大浪, 尤其是每一有水警輪或滘西洲高爾夫球會的船經過, 舢舨便搖過不停.

今天魚獲不錯, 有數十條魚上釣, 大家都釣了十數條魚, 可惜大部分都是年輕小魚.

當中上釣得最多的就是這種小紅鱲魚, 只有約8厘米長, 牠可長很大條(可達二至三十厘米), 相信很多人都吃過牠的刺身, 有些日式餐廳更有原條活魚刺身賣, 所以小魚大部分都放回海裏去.

通常我們將上釣的魚先看看受傷的程度, 若魚鈎只是輕微弄傷的便立即放回海, 而嚴重一點的放到桶內看看, 隔一會回復正常便放回大海, 若已經反肚便不放生了.

剩下十多條魚獲便由好友大飛即劏保鮮, 最後他拿回家煲湯飲.

輕輕鬆鬆便渡過了愉快的一天了.