新一年新開始,出旅遊網誌!上次旅行已經是在2020年3月,目的地是東京,經過超過兩年半的時間後,終於重新開關,因估不到突然開關,所以本身沒有特別安排大假出發,但因種種原因,12月中可以安排放大假,於是立即買機票,由12月10日出發,18日回來,共去九日。今次決定再出發去東京,因為上次東京之旅因疫情關係,很多景點已經關閉,而今次行程中最想去看的是橫濱的一比一高達,橫濱高達展覽疫情爆發才推出, 所以從未去看過,本來展期到2022年初,後來因疫情推遲到2023年3月尾才完結,所以今次終於趕上尾班車,另外其中兩日一夜又再去了河口湖賞富士山。可能因為突然開關,很多航班班次未穩定,機票多人爭而有時又加機,所以機票價錢有時浮動得很大,我們今次搭香港航空,每人五千多元來回。
我們搭機鐵去機場,兩年多無搭過,很有久違了的感覺,以前一年總會搭幾次。
來到機場了,雖然已經開關,但機場其實仍然很冷清,客人不多。
客人雖不算多,但是航班櫃檯亦減少了,而且要檢查各人的申報資料,疫苗資料等,又有些客人資料有問題要處理,結果要排長龍,用了近一小時才完成寄存行李。
本來打算入閘後買早餐吃,但因為寄行李時間太長,入到禁區已經遲,而原來禁區只剩幾間餐廳開工,結果當時又排長龍,我們決定放棄,因為飛機閘口很遠,去到閘口先算。
最後終於來到閘口,沿途所有店舖都無開,好在之前買了麵包作備用,只剩幾分鐘便要上機,立即食麵包做早餐頂住。
連水機都因疫情暫停開放。
終於出發!食完包去完廁所,我們已經係最後幾個人上飛機。
飛機都幾爆,目測約有8至9成滿。
其實出發前有點腸胃問題,所以都幾擔心到日本時身體不適,出發前看了幾次醫生,攞定足夠藥物才前往日本,好在旅程中身體漸漸好轉。
本來以為會因疫情而沒有飛機餐食,原來每人都有一個包及飲品,但機上的娛樂設備就不能使用。
不過五個多小時行程,一個包實在不夠,好在我們有預備小食幫手頂肚。
到達日本了,見到ANA海龜飛機。
經過一輪入境手續,終於到達行李帶等攞行李,現在入境日本要先上網申報各樣資料,這樣才能加速入境,否則見到有些客要搞一輪,老友Lawbut早前已經去過日本,我出發前已問清楚手續,所以入境過程相當順利。
終於出來了!
先去買JR Pass,並安排了前往河口湖的富士回遊列車,回程就搭特急火車,富士回遊列車是新宿至河口湖的直通車,兩小時車程,是近兩年的新車種。
然後去京成電鐵買Skyliner機鐵來回套票,今次我們買了連24小時地鐵車票,若有需要,另外還可以選擇買連48或72小時任搭的地鐵車票。
安排好車票,終於上京成電鐵Skyliner,約每20分鐘一班,機場出發約四十多分鐘左右便到達上野。
從列車上見到太陽已經西下,我們今早九點起飛,兩點半左右到達,入境加上買車票才不過三點幾。
8卡車廂,日本提供列車資料很清晰。
來到上野站,天色已黑,我們頭幾日去橫濱及河口湖都會在新宿出發,所以除了橫濱及河口湖外,頭6日都會在新宿住,最後兩晚才回來上野住。
轉乘山手線去新宿。
原來一月初山手線有一段路因工程要暫停。
終於到新宿了,以前安排行程都多數以新宿起程,所以頭幾次來東京都住新宿,但最近一次住新宿已是2017年,之後幾次去東京都住上野。
多年無來,找出口都找了一會才確定我們的方向。
出來見到富士山燈飾。
近年很著名的外牆立體廣告。
新宿街頭。
哥斯拉酒店,不過我未住過。
今次再住Cabin酒店,上次2017年去河口湖都係住呢一間。
房間比較細。
先去食第一餐!去了白木屋居酒屋,以前同Lawbut都食過宵夜。
之後在附近行街,熟習一下附近環境,並玩夾夾機熱身先。
新宿表面變化不算多,但有些店舖不同。
激安之殿堂就無變,在附近閒逛完便買宵夜回酒店。
在便利店買關東煮宵夜睇波。
第一晚在日本睇8強賽,見證了摩洛哥擊敗葡萄牙入4強,C朗拿度緣盡世界盃,之後法國對英格蘭太夜無起身睇了,第一次在日本睇世界盃,感覺幾特別。
Happy New Year ^^
回覆刪除我都好想去旅行呢... 但種種原因,疲情唔過,我都唔洗諗 .....
新年快樂, 身體健康!! 應該好快復常, 我就唔理, 有得去就去, 唔係到身體支持唔到時, 就以後去唔到.
刪除睇返2020年3月,我喺你最後一日嘅留言,話我哋2020年年尾一齊再去,結果去再去東京同Snoopy Musuem都要兩年後,仲要係各有各去,希望夾到一齊再去啦😩
回覆刪除無計啦, 疫情影響
刪除