血桐

今次介紹一種極之常見的植物, 它就是大戟科的血桐. 它幾乎可以在香港任何地方見到, 各個公園都種了不少, 路旁亦有種植作遮蔭. 它的英文名稱叫Elephant's ear, 即是大象的耳朵, 睇真D又幾似, 因為葉片都好大塊. 另一個特徵係葉柄在葉中心伸展出來, 有別於一般葉片都是在葉邊生長.

樹幹粗糙, 是本地植物, 常綠, 粗生而且生長得快, 所以香港四處見到它.

這就是名稱的秘密, 它的汁液是透明的, 所以若你切斷它的枝條只見到透明樹汁, 但是等一會後, 汁液氧化後便會變成血紅色像流血一樣, 所以亦有稱為流血樹. (不過我未試過折斷它的枝條, 只是學習得來的資料, 不知要等多久, 下圖只是遇到拍攝得來)

血桐雌雄異株, 下圖是花, 但我唔識分雄花還是雌花.

下圖便是果實, 表面有軟的刺及佈滿白粉, 成熟裂開有黑色的種子.

樹皮樹根可以入藥, 查過資料指可醫痢疾及咳出血.

紅色的甲蟲

這個月忙得不得了, 又不是不停做, 但是很浪費時間, 結果不能外出影相, 唯有找舊相止癮.
這是月中前往梧桐寨時中途遇到的甲蟲, 似乎是泥甲, 總之好漂亮!

可能係牠們 "大造", 成棵攀緣植物佈滿甲蟲.

體態優美, 令我拍個不停.

不過我不知牠們是在什麼植物上活動.

深山的生物多樣性的確厲害.

新鮮蜜糖

之前去參觀大溪花海農場, 有花海, 自然吸引蜜蜂, 因此農場一般會自己養蜂.

蜜蜂出入口.

人工木板屋, 蜜蜂便住在這裡.

蜂蜜便是藏在小洞內.

工蜂, 蜂巢內各種工作就是由牠們做.

中間的是蜂后, 只是比一般蜂略大.

將木板攪動便可以用離心力迫出蜂蜜.

新鮮蜂蜜甜到入心, 結果買了一瓶回家

煙是將蜜蜂逼離木板巢的必要用品.

角力

上星期去左行一轉梧桐寨, 中途見到一對蟻正在角力, 其中一隻咬住另一隻唔放,

兩隻體形外表都差不多, 實在難分勝負.

牠們可能屬不同的巢, 所以打起來.

近期實在懶得交關, 有一些照片仍然未得閒上, 但工作又比較多野做, 回家後懶洋洋, 唔想郁, 一日推一日, 結果成個星期都無出網誌, 要振作D...

蜘蛛俠上畫

蜘蛛俠上畫, 自己又懶懶地, 就抽D台灣既蜘蛛相同大家分享下, 如果唔係都唔知幾時出. 呢隻叫嫩葉蛛, 喜歡在葉面守株待兔, 今次捉到一隻蠅虎(即平時見到的跳蛛). (拍攝於大板根)

這是姬蛛, 特徵係腹部像個波般圓圓的, 今次捉到隻比牠大得多的蟬, 肯定吃不完. (拍攝於烏來)

這一隻叫棘蛛, 身上有成對凸出的棘, 是金蛛科的一種. (拍攝於瑞里)

這一隻蠅虎捉到一隻貓蛛. (拍攝於瑞里)

這一隻蠅虎吃毛蟲, 很少見到好像吃香腸般的食法. (拍攝於瑞里)

牠是長腳蛛科的銀腹蛛, 周圍都有牠們的蹤跡, 腹部金屬色很易認, 不過唔知食什麼.(拍攝於瑞里)

這隻蠅虎吃另一隻體型差不多的蠅虎. (拍攝於陽明山)

這隻似乎是蟻蛛, 不過很少見到蟻蛛有如此巨型的口器, 所以不肯定. (拍攝於陽明山)(後補資料: 原來雄性蟻蛛便會有巨型的口器)

這一隻應該是鬼蛛, 總之好常見, 在陽明山的步道上佈滿了牠們的網, 這一隻正在吃蜜蜂.

這一隻不知吃什麼. (兩張都是在陽明山拍攝)

這一隻是蟹蛛, 今次見到係白色, 躲在鬼針草等待獵物. (拍攝於瑞里)

叉角厲椿

今日星期日放假Family Day, 約好左家人一起去濕地公園行下, 本以為好多人, 但情況比想像中好好多, 無以前咁迫到爆, 都可以影到下蟲, 可以解下手癮. 呢一隻係金斑蝶, 佢最愛吃蓮生桂子花, 不過今次網誌主要唔係講佢.

呢一條就係幼蟲, 以前都曾經介紹過.

呢一隻就係主角叉角厲椿, 其實以前在蕉坑見到影過, 不過今日在濕地公園又見佢.

書上介紹話叉角厲椿係雜食, 但經過今日之後我相信佢係肉食性, 不過可能無野食才食草汁. 因為今日在濕地公園內的蓮生桂子花叢裏, 當然見到大量的金斑蝶及牠的蟲蟲, 連帶的, 是大量叉角厲椿, 相信牠最喜歡吃係金斑蝶的幼蟲. 金斑蝶幼蟲本身吃蓮生桂子花, 吸收了蓮生桂子花的毒素保護自己, 而且身體有警告色, 一般獵人不會吃牠們.

但今日我見到大量飽飽胖胖的叉角厲椿, 及吃剩的金斑蝶幼蟲屍體.

叉角厲椿多數出現在屍骸旁邊飽滿休息, 所以我覺得佢地係天敵關係.

不過我無叉角厲椿詳細資料, 所以都係估計.

草叢內還有數隻陣亡的幼蟲, 自然界就係自然界, 自有其規律, 人們只有觀察.

以前都有一篇, 俾大家重溫下.

正宗的食法

金龜子

前日在山頂附近, 除了見到梔子花, 還遇到一對金龜子, 當時佢地玩"花式"倒吊交尾,
我都係第一次見到咁既姿勢交配的金龜子.

側面看.

放大D睇.

清楚見到圖底部的雄蟲進入雌蟲體內, 今次正宗四級無格!!四月成個月除左去台灣, 完全無影過蟲, 直到前日先上山頂, 係時候搵日去蕉坑了!