自從前年買了90mm微距鏡後, 凡出去影相, 相機上都是裝上了它, 支24~120鏡頭都是放在背包, 始終我喜歡影蟲, 以前無微距鏡好地地四圍影相, Ricky話我無約人出去影相, 我才發現原來近年我都是孤身上路, 四處頭耷耷看蟲影蟲, 可以一個人在郊外行來行去幾個鐘頭.
近日跟左Lee哥學影相, 我發覺我好孤寒, 唔係好願用菲林影相, 因為成日想留番黎影蟲, 結果風景相變哂數碼相, 所以無乜功課交, 好多Lee哥教用唔同光位, 唔同光圈影, 但自已都無去試去影.
而影蟲呢? 影影下又走火入魔, 成日想近D近D, 有咁大頭影咁大頭, 結果蟲就好大隻, 但就無乜美感, 而家成日都係搵一些罕見蟲仔, 常見果D又唔想影咁多....結果...越影越少.
自覺影少左之餘, 亦覺得習慣性唔係咁睇構圖, 我覺得越影越退步.
雖然有云: 攝影既道路係孤單; 亦有所謂自己鍾意就係靚相, 但我都唔滿意....
所以近來都有想過買數碼機, 利用下佢任影唔哂既優點先, 不過睇下先啦.
