自從前年買了90mm微距鏡後, 凡出去影相, 相機上都是裝上了它, 支24~120鏡頭都是放在背包, 始終我喜歡影蟲, 以前無微距鏡好地地四圍影相, Ricky話我無約人出去影相, 我才發現原來近年我都是孤身上路, 四處頭耷耷看蟲影蟲, 可以一個人在郊外行來行去幾個鐘頭.
近日跟左Lee哥學影相, 我發覺我好孤寒, 唔係好願用菲林影相, 因為成日想留番黎影蟲, 結果風景相變哂數碼相, 所以無乜功課交, 好多Lee哥教用唔同光位, 唔同光圈影, 但自已都無去試去影.
而影蟲呢? 影影下又走火入魔, 成日想近D近D, 有咁大頭影咁大頭, 結果蟲就好大隻, 但就無乜美感, 而家成日都係搵一些罕見蟲仔, 常見果D又唔想影咁多....結果...越影越少.
自覺影少左之餘, 亦覺得習慣性唔係咁睇構圖, 我覺得越影越退步.
雖然有云: 攝影既道路係孤單; 亦有所謂自己鍾意就係靚相, 但我都唔滿意....
所以近來都有想過買數碼機, 利用下佢任影唔哂既優點先, 不過睇下先啦.
健仔, 一入豪門深似海, 深思深思. 而你咁都叫冇進步, 咁我咪 原地踏步 .
回覆刪除唉, 唔係無進步, 係退步呀...不過我仍然覺得單鏡數碼機未係咁抵, 短時間都未買住, 個人喜歡拍攝風景係要好廣闊既效果, 果陣時用35mm都唔夠, 才買一支24mm, 單鏡數碼機會乘大, 影風景就要再買過鏡頭, 雖然對影蟲有著數, 而唔乘大既機又好貴, 所以都係要諗清楚, 始終成萬元, 又不是無機用...而且好快又有新機...好麻煩....
回覆刪除健，影相既野，自己喜歡就可以了，無話進步or退步，你影蟲簡直就勁、你對蟲的認知簡直就強，所以專稱「強勁」！
回覆刪除多謝你誇獎,但現現在都唔知自己想影乜,好似上個月去坪洲,我部機見唔到蟲都無攞過出來...
回覆刪除坪洲相都未出街, 係未敢出街.
回覆刪除健仔，我建議你遲d出本蟲蟲影集，應該都有客路。
回覆刪除