旅行錦囊

R仔去左旅行, 之前唔記得交低個錦囊過佢, 下星期又到阿星去旅行, 寫料先!! 呢一種樹叫旅人蕉, 屬於旅人蕉科, 別名扇芭蕉. 它的果實是朔果, 形似香蕉, 不過不是蕉. 雖然它很高大, 其實同芭蕉一樣係草本植物, 叫蕉亦是有這意思, 原產地係非洲馬達加斯加. 通常我們在公園都可以見到它, 真的好像一把大芭蕉扇!!

葉片一層一層疊上去, 而且很巨型, 它會越生越高, 上圖左邊所見, 當底部葉片脫落, 會露出中間的主幹, 真的好像一棵樹, 雖然佢又大又像一把扇, 不過佢並不硬淨, 如果在當風置種植, 葉片很易吹爛, 像上面的葉片般裂開.

下圖的旅人蕉底部葉片脫落見到樹幹, 而新葉片是在樹頂一左一右生出來.

下圖見到花從葉片中間生出來.

花有點像天堂鳥蕉的花, 它的果像蕉, 但我未見過.

講左咁耐, 重未講到錦囊. 其實點解叫旅人蕉? 佢原產自非洲, 天氣炎熱, 傳說指當地旅客有時出外旅遊時, 遇到飲哂身上既水, 點算? 當見到呢棵旅人蕉, 就無事啦!! 下圖見到原因, 左邊被切斷的葉片, 原來有個洞!

睇真D, 原來葉片重疊, 形成葉柄彎曲緊貼前一片葉子, 因此, 當有雨水時, 便儲存在此.

所以旅客們無水便可以找到水來飲用, 亦因此叫做旅人蕉, 可以救人!