變葉木

這是大戟科的變葉木, 另一個比較常用的名稱叫洒金榕. 兩個名稱都相當傳神, 用邊個名好一些我都答唔到, 睇下大家自己鍾意, 我見過有人混合使用叫變葉洒金榕, 其實無所謂啦, 因為變種太多了. 第一種係最基本既洒金榕, 原因係佢葉上面一點點的黃斑, 好像洒了一些金上葉面.

而且溶了入葉, 叫洒金榕真係相當清楚易明.

不過如之前所講, 佢又叫變葉木, 因為樹葉變種相當多, 下面開始全部都係洒金榕, 第一種葉片變窄, 成為長條形.

不過洒金既情況一樣.

呢一種長條形就無咁洒, 而係溶左入葉脈.

一條條金葉脈都算靚.

呢種就完全變哂, 直頭好像另一種葉, 不過金溶入葉的情況一樣不變.

加上左多一點其他顏色, 有紅,黃,黑,綠,等顏色.

跟住呢種有特別名, 叫戟葉洒金榕. 顧名思義, 葉形好像一支戟.

根據資料指出, 最後介紹這兩種洒金榕, 要種在見得多太陽的地方, 而且越照太陽, 越有多種顏色, 大家不妨多留意.

 介紹左咁多種, 係咪兩個名都咁傳神呢!