舉尾蟲

有時間執下台灣相先, 今次去大板根森林遊樂區, 有一片原始熱帶雨林, 我沒有深入去行, 但是都在邊界走了一轉, 便已經遇上一隻香港很罕見的昆蟲: 舉尾蟲(又稱蝎蛉) 牠叫斑翅蝎蛉, 食腐肉及腐植, 基本上雜食, 屬長翅目昆蟲, 通常只有原始森林才發現.
全球約有500種, 台灣目前已知有42種. (網上資料)
呢一隻就係雌性舉尾蟲, 背部無特別, 但可以見到斑翅.

側面就見到特徵: 特長的口器及舉起的尾巴. 這是一種嘴嚼式口器, 我都唔知咁長有乜用.

呢一隻就係雄性斑翅蝎蛉, 雄性既尾巴更特別, 有像蝎子的尾巴, 不過唔係毒刺, 而係特別發展出來的生殖囊, 亦因似褐子尾巴而稱為蝎蛉, 不過我也所知不多, 只係認得佢.