身穿金屬甲

終於, 昨日有一天假期, 與R仔去左蕉坑行一轉, 可惜之前返夜班, 早上起唔到身下午才到達. 一般天氣炎熱的下午, 蟲仔都會躲起來避暑, 但已經發狂的我唔理咁多, 去左先算. 總係有D野睇下既!! 今次遇到久違的紫莖甲, 佢係鞘翅目昆蟲(即係甲蟲), 金屬色的身體就像鐵甲蟲. 如圖所見, 後腿很粗壯.

以下圖片是05年7月拍攝, 當時蕉坑種了一些豆類植物吸引了一批前來,
牠們的顏色有時偏紅, 有時偏藍, 但都是金屬反光色, 非常漂亮!!

牠們會在植物的莖上產卵, 幼蟲便生活在植物內, 所以雖然漂亮而少見, 都算害蟲. 其實害唔害蟲只係人定, 對人有害就叫害蟲, 無法啦.

去年在馬來西亞的沙巴拍攝到一隻金屬綠色的吉丁蟲, 非常搶眼.

另有一種金屬綠色的叩頭蟲都是我喜歡的蟲, 牠比較常見, 偏偏每次遇上我都沒相機在手,
只影過一次這隻被繩纏住而死的身軀...

好在師父送過一張給我, 將來再遇, 定必影返夠本!!