俗稱蜘蛛船的遊覽船不斷將海面劃開，衝往海豚出沒的小島。
太陽仍然躲在雲霧中，而我則相當興奮，期待與海豚相會！
終於出現了！牠們突然一大群出現在前方的海面！
牠們一時潛入海中，一時又跳出水面，有時遠，有時就在附近！
看了一會，牠們漸漸失去蹤影，船家話日出後海豚會游到外海，無得再睇了。
這個便是附近的Balicasag Island，是潛水的地點，不過我們沒有落水的打算，環島一圈便算了。
不過環島遊也有野睇，因為水實在極清，而且不深水，在船上已經很多珊瑚及其他生物觀賞，實在是潛水絕佳地點！
之後便回程了，中途見到遠方有一艘貨輪傾側，正接受救援！
回到Alona Beach時只是早上八時，我們便在附近吃早餐，然後回酒店休息一下。
在附近逛沙灘及拍攝後，十一點再出發前往Tagbilaran city行下，我們在第二大的商場Bohol Quality Mall(BQ Mall)吃午餐。
相約了司機下午四時回來接我們回酒店，吃過午餐後便四處逛，不過BQ Mall只是一個普通商場，逛一會便出外走走，附近街道交通算是市內最繁忙的地區。
參觀附近一所教堂。
吃完飯再四處逛街才只是用了一小時，距離四點實在有太多時間，於是我們在BQ Mall內看電影，叫Death Race，應該是香港沒上畫的電影，看完電影再逛超級市場買手信。
回到酒店已經差不多日落，於是又再四處拍攝椰林樹影。
美景百看不厭！
晚上來到這間Pyramid餐廳，這裏的蒜茸牛油焗大蝦真的一流，燒烤都無咁好吃！
今晚的晚餐吃了一尾青衣，一尾魷魚，牛豬雞柳及蔬菜各一串，六隻大蝦一條粟米，價錢比昨晚的貴了一倍，主要是大蝦是磅重計錢，昨晚講好一隻一隻計，不過這一間煮更加好吃，貴一點又係值得既。
好優閒既一天
回覆刪除[版主回覆10/01/2008 23:21:00]係閒足五天, 好舒服. 不過香港人可能會悶一點, 因為無乜商場或行街的地方.
大虾真的好大啊！ 没见过呢，一定好好味！
回覆刪除[版主回覆10/01/2008 23:20:00]係.....真係好好味, 真係想起又流口水.....
呢套？ 聽講翻拍自1975年的那部由史泰龍主演的那部，現在 由《異獸戰》導演 Paul W.S. Anderson 執導的 不過《凸務咔啦蘇》都可以突然上畫，世事無絕對
回覆刪除[版主回覆10/01/2008 23:57:00]好野呀吹兄, 咁快搵到, 我睇到係咁瞓, 好好瞓, 成日賣弄暴力.
青衣係hk 都絕左跡好耐lu
回覆刪除[版主回覆10/02/2008 15:20:00]果然係釣魚高手, 一眼睇到! 不過烤魚都係一般, 加上手勢麻麻地, 烤焦了, 搞到第三天決定不吃魚, 第四天中式蒸魚就一流, 清蒸魚都係最鮮味!
好開心
回覆刪除[版主回覆10/02/2008 15:17:00]好好食!
昨日我才到大澳諗住睇中華白海豚, 可惜無運
回覆刪除[版主回覆10/02/2008 15:16:00]出海較易見到, 但又較影響牠們生活.
沉船
回覆刪除[版主回覆10/02/2008 15:16:00]翻側.
你好呀....第一次黎你既blog..多多指教...
回覆刪除想問下...坐蜘蛛船出去睇海豚同潛水....係咪度保和島個度join既tour黎家??潛水係咪即係浮潛呀???咁佢有冇救生衣個d畀你家??
大約幾$$一人呀??thx呀...
[版主回覆10/04/2008 04:06:00]歡迎來訪, 其實在Alona海灘四處行, 就不斷有當地人問你出唔出海或者去朱古力山, 真係問到煩, 行十分鐘可以有十個人來問你去唔去, 而價錢要講價(港幣兌披索大約1:5.5), 我呢一次1600披索, 不過一般出海都係大約1500披索(唔駛300港幣), 唔落水就無咁抵玩, 因為睇完海豚及環島就回程, 至於潛水係指要租氣樽果一種, 浮潛都得, 不過無咁親近珊瑚, 果度有教練, 唔識可以俾錢立即上堂一齊潛水, 不過我唔知幾多錢, 總之俾錢就樣樣有得租.
咁好嘅海鮮攞黎燒哂d
回覆刪除[版主回覆10/06/2008 22:56:00]燒烤都好味既, 不過蒸就鮮D.