蛇形刁手

上星期三下午得閒, 同幾位老友上左沙田萬佛寺, 中途見到有一隻貓在坑渠裝裝下, 貓是很有好奇心的動物, 裝裝下一定有野吸引佢. 於是我又去裝下, 隻貓完全唔理我一齊裝.

天呀! 居然有條紅脖游蛇在坑渠! 終於第一次影到活生生的野生蛇, 而且係好近距離!! 可惜渠蓋阻住.

條蛇一直在坑渠游走, 貓兒則努力在旁守候.

蛇在渠道內不斷找洞穴逃走.

終於, 貓貓忍不住, 突然一伸前爪插入渠內, 可惜拍攝不到這快速的一刻!

這貓爪一伸便將蛇撈了上來!

貓蛇對峙, 互相不敢輕舉妄動.

貓依然係較心急, 主動使出蛇形刁手絕招!

接連拍左條蛇的蛇部幾次!

蛇頭受到重擊, 搞到蛇頭歪向一邊都不敢伸返直.

貓快速到用鼻聞左條蛇幾下, 不過蛇仔沒有任何動作, 可惜我影不到.

貓貓再次發動攻勢, 蛇蛇也按捺不住, 向橫推進, 不過貓貓一於少理, 繼續向蛇身攻擊!

打打下, 條蛇轉向前行, 雖然紅脖游蛇有毒性, 但從沒有向貓發動攻擊, 可能自知毒性不強, 或者....係一條有禮忍讓的小蛇....

貓貓完全唔理蛇仔, 一於打!!打!!打!!

由於我對住貓背看不到, 突然條蛇消失得好快! 唔通一口吞落肚?

之後隻貓就行開了........原來條蛇找到小洞, 高速鑽進去, 逃之夭夭了. 然後, 我們繼續上萬佛寺.