盂蘭節

星期日在尖沙咀晚餐後沒事做, 回家前跟爸爸談起屋企家附近的公園有神功戲上演, 想到自己從來未看過, 於是找找喜歡拍攝這種題材的Lawbut, 原來他也沒事做, 便一同約定前往看看, 拍攝完才回家.

今年的盂蘭節正日是九月二日星期三, 不過部分地方早已準備好神壇供人拜祭.

這幾天已經有很多市民在路旁"燒街衣", 當我還是小孩子時最喜歡燒街衣, 因為可以合法玩火, 帶同一大扎衣紙落街慢慢燒, 為了燒耐D, 之前還會幫嫲嫲有咁多摺咁多, 不過嫲嫲已經不在, 加上減少燒出太多灰, 現在我爸爸也只是摺少量落街燒, 交交功課, 而我因宗教關係, 早已沒有再接觸了.

記得以前爸爸說七月節時期不可以出夜街, 否則會撞鬼, 當時的我真的有點驚, 不過人大了, 當然唔再怕, 而且我是輪班工作, 經常要晚上出動, 隨時三更半夜返工或回家, 乜都無有怕.

一直以來都知道有神功戲, 不過倒從未看過, 因為本身不大看粵劇, 但每次大時大節及太平清醮都有神功戲, 所以一時興起便來拍攝, 原來這是潮劇, 用潮語演唱, 我不懂潮語, 但旁邊有字幕看, 也可以知道唱什麼. 以前香港人比較得閒, 晚上沒事做也會落街吹風乘涼, 七月節的神功戲亦是其中一個節目, 但現在已經很冷清, 只有數十個公公婆婆在觀賞戲劇, 我相信每天都有那麼多人燒街衣, 這種文化不會消失, 但規模會越來越細.

請大家繼續支持救助: 台灣88風災