今次在蕉坑的小池塘找到了一群螳舞虻, 牠們在濕泥面走來走去, 看來濕的地方就是牠們生活之所在地, 就如之前腐爛的冬瓜.
牠們四處爬行, 並不時伸出螳臂唬人, 同池的其他生物都忌佢地三分.
可惜牠們身體天生細小, 沒法擊倒較大的獵物, 兇下小蒼蠅就可以, 其他昆蟲就難了.
突然見到其中一隻飛撲一下, 然後企定定, 仲唔係食野!
佢真係好似螳螂咁食野, 可惜獵物實在太細小, 看不到是什麼....
又睇唔到牠的口器是什麼形式進食, 正常的蒼蠅口器是吸啜式, 但螳螂是咀嚼式, 唔知佢是否學到十足十呢? 只見佢食完仲會用口清潔螳臂一番, 同螳螂真係一模一樣!
不過轉個頭, 水池又要加返滿水, 泥土全被掩蓋, 我本想回來再拍攝螳舞虻, 可惜都已經飛走哂, 除了這一隻死了的.....跟旁邊的滿江紅一樣隨水漂浮....
牠的螳螂臂真易辨認, 不知牠是早已死了浮出來, 還是被水淹死呢?
係你先認得出至掛!?
回覆刪除[版主回覆11/30/2009 08:45:00]太似烏蠅了.
讚
回覆刪除[版主回覆11/30/2009 08:41:00](Empty)
係你先有心機睇隻咁嘢睇咁耐
回覆刪除[版主回覆11/30/2009 08:42:00]多留意就見到.
螳舞虻旁邊嗰d係咩植物嚟架！ 死有輕於毫毛，重於泰山，死咗都比你咁影法， 實在死得不枉螳生喔．．．！
回覆刪除[版主回覆12/01/2009 04:41:00]係滿江紅.
http://hk.myblog.yahoo.com/jacky-insect/article?mid=3084
真係好似螳螂一樣...
回覆刪除[版主回覆12/01/2009 04:38:00]嫡傳弟子.
反尼LU 烏蠅 灌水 V........... WU...............
回覆刪除責人之心責己，恕己之心恕人。
[版主回覆12/01/2009 10:57:00](Empty)
咁你有無走入去泥灘?
回覆刪除[版主回覆12/02/2009 18:00:00]當然唔係啦, 在小池旁邊而已.
牠行走江湖個look好鬼祟
回覆刪除[版主回覆12/02/2009 17:59:00]隱藏實力嘛.
好眼力
回覆刪除[版主回覆12/02/2009 17:59:00]好彩.
原來是丫苦的擾人愚行 每個回應都要輸入驗證碼，好煩
回覆刪除[版主回覆12/02/2009 17:58:00]哦! 減少灌水回應.
哩隻.. ... 烏猴... 盲架！ 有幾難認證呀 ....又唔見我唔得 ~
回覆刪除[版主回覆12/04/2009 17:35:00]成日按錯驗證碼.
Jacky對昆蟲的認識, 真的好厲害!
回覆刪除[版主回覆12/04/2009 17:35:00]謝謝, 有興趣知多一D之嘛.
真係要好眼力才看得見啊
回覆刪除[版主回覆12/09/2009 16:52:00]係呀, 隨時以為係烏蠅.
哈哈...真係玩物喪志囉...仲係11月29日嘅 網誌呀!
回覆刪除[版主回覆12/10/2009 00:29:00]我才不會在FB玩物喪志呢, 我在整理緊blog的資料, 而且極討厭驗證碼, 暫時跟 筏印 師兄一樣, 減低瀏覽及出blog來作抗議.
↓唔怪得唔出新blog啦, 原來係同道中人
回覆刪除[版主回覆12/10/2009 17:26:00]果然係金牙, 唔夠你講.
從睇左你d相之後, 我都成日去蕉坑, 所講既小水池係指邊個呢? 我都想影螳水蠅呀! 今年托你既福影到藍綠象同茶椿, 好開心, 要繼續努力!
回覆刪除[版主回覆10/10/2011 18:34:46]客氣了, 我近期都少左去蕉坑, 這是在瓜棚前, 一個小小的水池, 有睡蓮, 慈菇及荷花等植物.
我專門黎多謝你架, 在你提過果個水泥池我終於拍到螳水蠅喇, 原來好細, 細過普通烏蠅, 嘻嘻!
回覆刪除[版主回覆11/05/2011 22:00:56]客氣了, 蕉坑好奇怪的, 本身是一個比較人工化的展覽郊野公園, 但去多D就會遇上多D特別昆蟲, 希望妳都多D遇到罕見蟲仔! >_^