等價交換

日前在網上看到了一篇有關人與人之間的關係的文章, 文章指出人與人之間存在的關係屬於等價交換, 只不過分別是物質上與精神上的付出與回收, 依我理解, 相信就像邦民姐姐所話, "幫左人感覺幾好嫁!" 我不完全同意這種講法, 但根據作者所講很多情況又好像的確係咁, 但到話若無得實質得益就是心靈滿足, 咁即係可以話乜都係佢講哂.

先兩日終於去左蕉坑, 很有"我回來了"的感覺, 整整五個幾月沒有踏足蕉坑, 一拍便拍攝了他媽的五小時, 真暢快!! 踫巧又真遇上交換的情況, 可能是上星期落完雨的關係, 蕉坑相當多蚊, 當時我影影下時, 佢突然飛上我的左臂, 難得機不可失, 於是拍攝一下蚊吸血情況.  

背上一條白紋, 果然係白紋伊蚊.

再放大D睇下先!! 我拍攝的代價就是提供血液俾佢吸, 而且又有心靈滿足, 佢有得上鏡, 心靈滿足又有血吸, 多重享受.

不過, 我又覺得條氣唔順, 於是心意一轉, 手起刀落, 佢發現時已經太遲了,  吸血的代價就是付出生命.

全身經脈盡碎而死.

看!! 撥開屍身仗看到我付出的一點血液!!

跟住就是拍攝的代價...腫左一片, 痕癢不已, 唔會中埋傳染病掛!

同場加映, 近年極之麻煩的小昆蟲--蠓, 屬雙翅目蠓科, 各公園都有其蹤跡, 會吸血, 而且體型更細更難撲滅, 在我拍攝期間, 身邊便總是圍了十隻八隻來叮我, 其中一隻被的拍倒時拍攝所得, 唉, 豆娘呀!! 靠你吃蕉坑的蠓啦!!!