煲仔飯

剛從濟州回來, 相片整理中, 出出舊料先, 十月尾有幾天天氣很冷, 我跟Lisa到了廟街逛, 正當大家找晚餐吃的時候, 見到興記的海報, 便不用考慮, 入去吃暖烘烘的煲仔飯.

當時已經開始多人, 我們每人點了一個飯再加一個潮式煎蠔餅.

要認明商標!! 其實附近有五間舖都是興記, 舖內只有椅子, 桌子及調味料, 有客人便由店員每人派上碗筷.

我覺得太多客人, 廚房根本不可以撐得住, 結果先來蠔餅.

蠔餅較細片, 但總算蠔仔十足, 味道也不錯.

果然來了蠔餅後便要等多十幾分鐘才有飯, 不過煲仔飯預料都要等待十多分鐘才有得食, 可是也許是人太多, 附近至少有三對男女因為等得太久而離開, 其中一對更罵店舖的阿叔, 我們一於少理, 總之我們有得食便算了. 我點的是窩蛋牛肉飯, 先打蛋落豉油, 再焗一焗.

再打開便食得.

Lisa點了排骨飯.

晚餐後見到一車數十個煲仔飯送來送去, 難怪要等那麼久, 煲已經要十多分鐘, 還要經過街頭來送到客人手上.

不過客人一直排隊, 天氣冷時吃煲仔飯特別有風味!