最後一天, 一早便要離開酒店了, 回到民宿會合, 還好維多利亞酒店很近彌阿三車站.
回民宿放下行李後便到纜車站上南山.
纜車十時開始運作, 已經排滿人了.
原本想看紅葉, 比起上一次(2004年), 來遲了一點.
有人練習兵器, 是一些表演人員.
又到了南山塔.
用鎖做聖誕樹.
還剩下少量紅葉拍攝.
不過天氣很冷, 先入咖啡店吃早餐取暖.
落山了.
纜車站旁的升降機, 安裝在斜坡上, 比較特別.
之後到了南大門市場逛街.
一直到下午吃午餐, 本來想回明洞吃人蔘雞, 不過在南大門市場見到這間路邊店, 於是入去試試地道的午餐.
起初還以為不懂得叫, 但看附近原來大家都只是吃同一種食品.
中間是公仔麵鍋, 每人有一碗飯, 再加上泡菜等餸菜.
吃起來很美味呢!
之後繼續逛南大門市場.
下午二時多回民宿取回行李.
乘巴士到機場了.
等巴士沒事做, 當然是影影相.
到了機場Check in.
有人扮演皇帝巡遊.
之後再吃晚餐.
上機前再逛機場的商店.
入閘口.
運送行李車.
今次回程是小型的飛機, 左右各三個位.
終於回到香港, 結束了第一次的濟州自駕遊.
好似連續劇咁, 晚晚都有得睇, 下次播咩呀?
回覆刪除[版主回覆12/03/2010 17:00:00]我每次去旅行都係一次過打哂先, 然後逐日出, 咁就一氣呵成, 又方便將來查返.
又讚~
回覆刪除[版主回覆12/04/2010 02:43:00](Empty)
呢個皇帝巡遊我九月去已經有，估唔到玩足兩個幾月
回覆刪除[版主回覆12/04/2010 02:43:00]吸引遊客的招數?
早晨
回覆刪除[版主回覆12/04/2010 13:35:00]Good morning!!!
南山我都去過, 不過冇座纜車, 導遊話唔夠時間喎!! 街頭果餐好正呀, 好地道, 我去旅行都好鐘意食街頭食品架,但我睇相個飯好大碟, 仲有埋麵, 食唔食得晒架???
回覆刪除[版主回覆12/04/2010 13:46:00]跟團時間係會趕一點, 無辦法啦, 其實個飯唔多, 不過個碗大, 而且無乜餸, 除了有一舊魚肉外, 其他係泡菜, 加少少韓式辣醬及麵好開胃, 最後仲加多一個麵, 我去旅行除非像台灣般熟悉或有特別想吃的目標, 否則都係多數去到邊食到邊, 試下亂叫一通, 今次本來想跟爸媽們正經一點吃人蔘, 後來都係隨處吃左...
韓國既泡菜同前菜, 我覺得好好味, 以我食咼的團餐計, 好味過正菜........你相片的小食都好吸引, 但舊魚我一般 (我本身都唔太好魚)... 又有樣事想請教你, 你覺得朱銘美術館,若果慢慢行同影相, 一般可以玩幾耐呀?? 為我想BOOK 老街附近的溫泉浸一下, 想預準D 個時間!! thanks 先
回覆刪除[版主回覆12/05/2010 19:57:00]正常行兩小時已經好足夠, 當然慢慢行就可能長一點時間, 他的接駁車都是早上10:30開車, 13:40回程, 俾三小時遊覽.
http://www.juming.org.tw/opencms/juming/index.jsp
唔該晒, 我都參考過朱銘網站同blog, 但好似去過既人唔太多, 就想問下你玩左幾耐, 因見你去玩得幾hea 下, 有點似我地, 我地都係愛慢慢行同影相的, 當然影出黎既相同你無得比啦
回覆刪除[版主回覆12/05/2010 20:36:00]過獎了, 網路才真的有大把拍攝高手呢! 我上一次遲左搭不到接駁車, 差不多十點九才到達, 結果係搭的士(15~20分鐘左右)上去, 行了一圈都係一個小時左右, 之後在館內餐廳吃午餐並且在大堂休息一會, 才等到下午一點八車, 所以除非妳會逐一展品慢慢睇, 正常二小時都OK, 若妳住在金山, 那早一點乘的士上去時間可以更鬆動.
我唔在金山住啦, 全都住台北, 唔想轉酒店 搵緊金山老街資料時, 見到果度好多溫泉館, 都有俾人浸一陣, 食一餐果種, 諗住到時凍凍地, 想去浸下! 不過聽你咁講, 我只去老街同朱銘, 應都唔會用多好多時間, 可能回程果陣搭經陽明山既車, 係陽明山果度浸!! 其實我係鐘意朱銘果個環境, 但我係唔識欣賞藝術既人
回覆刪除[版主回覆12/06/2010 02:17:00]其實去金山好輕鬆, 台北車站有國光客運直接到金山做總站, 我去朱銘都係因為未去過所以去行下, 老街反而幾多野睇, 而且好多野食, 留定肚去, 至於海邊的燭台雙嶼風景是不錯, 但行上去比較辛苦, 妳可以不去.
那個公仔麵太誘人了.........
回覆刪除你拍到的楓葉好漂亮啊~~~~~~
我也好想去逛南大門 >"<
[版主回覆12/10/2010 09:30:00]韓式拉麵的確很美味呀!! 妳拍的楓葉都很美呀!!