2015新春快樂

羊年到了! 先祝大家身體健康, 出入平安, 財源廣進!  2014年真的過得很快, 眨下眼就已經完左, 過去這一年算一算, 前後去了五次旅行, 當真好滿足, 今年希望可以繼續! 

今年一月內, 先後收到了三位同事因癌症離開了世界, 實在覺得人生無常, 只有活在當下, 每天都要對自己好一點, 好好珍惜家人朋友, 享受人生, 當然最重要保持身心健康, 雖然知易行難.

現在工作更加忙, 好在總算頂得住, 希望來年能更掌握得好一點, 能更多享受人生.

近年花市多左好多蘭花, 慢慢變成了年花, 而很多商場就變了用假花, 桃花的銷情似乎下降了很多, 看來似環保, 但其實如果啲假花用完就掉, 比掉真花更唔環保, 只有希望假花會循環再用.

來年最重要希望身體健康, 工作順利, 生活愉快, 去多幾轉旅行! 又要多去影下自然生態!

早兩日見到有一個香港的生態攝影班, 原來教影昆蟲要先學袋住蚊香, 聲稱可保護自己, 但其實蚊香有毒性, 仲要一團幾十人, 一路影一路傷害大自然, 記者訪問還理直氣壯話安全係第一, 白紋伊蚊傳染病毒好危險, 而近期多左好多人拍攝鳥兒, 用誘餌來吸引牠們留在指定地點, 一路餵一路影, 其實慢慢會令鳥兒依賴餵食, 又可能會不小心吃下固定誘餌的小鈎鐵絲, 印尼又有攝影人將各種生物"擺拍", 即迫牠們留在指定位置來拍攝, 例如將青蛙放在甲蟲上扮成偶然, 怎麼世界變成了這樣? 拍攝自然生態卻拍攝不自然的照片? 唉...