2016大阪之旅第一天

本來今年下半年無得放大假，幸好工作比想像中暢順，終於年底前回復正常可以再放假，夾了更表，終於成功爭取在十一月底，安排到六天假期，總算趕上了看紅葉的尾班車。

去到機場先吃早餐，今次由可以攞假到出發約有三星期時間，要立即決定去邊玩，所以選擇了關西大阪，個人較喜歡關西京都寺院跟紅葉的配搭，不過已經來參觀過，所以今次六天假期，主要住在大阪市，第二天上去有馬溫泉，最後一晚住在和歌山市，便是整個假期的活動，29號出發，12月4號返，大致上都叫去哂京阪神。

訂機票及酒店尚算順利，出發前周身唔得閒，只能安排大致的行程，連交通都沒有詳細睇過便出發。

機票2300左右一位。

近期身心疲累，一上機便沉沉睡了，連起機都不知道，空姐放了入境表在我前面都不知道，差不多到日本才起身填表，然後又瞓到降落，一落機見到天氣不錯，心情總算覺得好一點。

今次再乘坐南海大鐵人列車，1500日圓套票，包大鐵人列車及地鐵一天票。

還有大鐵人列車超人。

套票共收到4張紙，兩張細紙票是大鐵人車票，黃色是地鐵一天票，最底最大果張是收據。

轉眼便到達大阪市難波。

先去酒店放下行李。

樓下八坂神社的獅子廟依舊。

先買飯團當午餐。

然後搭地鐵去梅田行街，第一天沒有行程，只在市內四處逛。

日本真多主題餐廳，呢間係布甸狗主題餐廳。

我地去三番街目標只有一個。

當然係鬆弛熊專門店啦！

行完出來，已經天黑，當時只是五點多啲。

行去Hip Five商場。

醒目易認的兩條紅色鯨魚像。

上去玩夾夾機。

落嚟遇見一間蛋黃哥主題咖啡店。

食物看來很可愛。

蛋黃哥近期相當紅，周圍都係佢。

回去心齋橋吃晚餐。

今晚決定食蟹，去到蟹道樂，要等半小時。

於是在附近行街先。

在道頓堀附近看店舖招牌都很有趣。

不過今次發現附近幾間夾公仔店都已經執咗，無得玩夾公仔。

於是去激安之殿堂行下。

香港周圍都找不到的玉面飛龍！入手！

仲要睇埋其他玩意。

在河邊有一隊女團在與粉絲見面。

到時間吃飯了！點了一份天神套餐及一客壽司。

各種食法，味道都無得彈😋。

最後落米煲粥。

打個蛋花落埋蔥，完成！好鮮味！

再出來心齋橋仍然見到女團在與粉絲見面，於是又去湊熱鬧，原來叫仮面女子，不過我唔識。

天寒地凍，她們每次有粉絲埋去就要除衫，粉絲走咗就可以著返褸，凍到縮縮下。

還有女粉絲。

不過主力係男粉絲。

而且年齡層看來幾闊。

附近原來開了另一間驚安之殿堂，於是再去行下。

最後去附近超市買宵夜。

宵夜開動！

又玩玩拉花特別版可樂。