2017北海道之旅第四天上集

第四天六點起身，本來打算看日出，但起身發現太陽已經出來了， 所以影兩張相便再瞓過。

當時遠方的羊蹄山依然躲在雲霧裏面。

我們約了七點鐘再去浸溫泉，所以瞓醒就去再浸溫泉。

浸完返到房間，發現遠方的羊蹄山終於出來了！

果然跟富士山很相似。

洞爺湖美景真係百看不厭。

之後落去食早餐，是酒店自助早餐，食物幾好吃。

手搓飯團。

即煎玉子。

隻煎蛋個樣好奇怪，其實係北海道嘅外型。

豆腐裝喺個氣球裏面，一篤穿就是一隻蛋形豆腐。

我還試了納豆，太太就好驚黐立立的納豆，但係我就覺得幾好食。

呢個就係蛋型豆腐，篤穿出來時失敗咗。

返房執嘢了。

終於要與Ken及Karen分別了，他們會回札幌再轉上小樽，而我們繼續南下去函館，返香港再見！

我們先要搭巴士去JR車站，再轉火車去函館，剛好可以搭十點鐘巴士。

巴士到了。

約廿分鐘左右到達洞爺站。

時間剛剛好，我們可以搭上1032班車去函館， 但由於我地無劃位，所以呢一程要去坐自由席，即是第七或第八卡。

火車來了，洞爺湖拜拜！

呢一班其實正是我們由札幌來洞爺湖的同一班班次，現在再上路，一上車便再瞓覺，瞓到總站。

個多小時後便到達函館，此時亦收到Ken他們搭巴士回到札幌了。

月台剛遇見一班觀光列車，車上見到有餐廳及一班工作人員在幫客人拍攝。

函館站。

先去遊客中心買輕鐵一天票，因為今日會在市內參觀，主要搭輕鐵。

函館站前景色。

一出函館站，右邊就係函館朝市，是北海道三大朝市之一。

而我們住的酒店，就在函館朝市嘅對面馬路。

今次一到就有房，可以先放下行李，不過間房較細，我們今次會住兩晚，當初一話來函館要住兩晚，好多朋友都話一晚就夠，不過我覺得搭長途車過來，只住一晚又唔多值，所以最後決定留兩晚。

準備好輕鐵一天票。

出發去搭輕鐵。

函館同札幌一樣，市內有好多雕塑。

目的地係五稜郭塔。

上五稜郭塔之前，我哋先去食幸運小丑快餐店吃午餐。

幸運小丑快餐店，介紹說所有漢堡包都係用新鮮肉類所做，函館市內有十幾間分店，但只在函館內有分店，來到函館當然要試試。

除了漢堡包，還有好多自己品牌的食品發售。

我們點了兩個餐及炸薯條，熱辣辣的漢堡包的確好新鮮好好食。