泰．夯蝦

早前見到網上介紹尖沙咀及銅鑼灣開了泰式流水蝦放題:泰.夯蝦，我已經近30年無去過泰國玩，亦未試過食泰國的流水蝦，於是放假時便與太太去試一試。

地點是諾士佛臺一號一樓，經美麗華商場上去，到達諾士佛臺便見到餐廳。

目前有《蝦佬你蠔》推廣，而食早輪晚餐，1900前離座有85折，成人298一位。

第一次來吃流水蝦，先四處拍攝一下，當然先要看看主打的魚缸，缸內的泰國大頭蝦幾大隻幾活躍，夠哂新鮮，而職員會不時查看缸中大頭蝦，隨時添加，而似乎快死的便立即夾走冰鮮。

還有很多其他泰式食物。

冰鮮海鮮，生蠔，大蜆，螺等都很新鮮，燒烤時有些還在郁動，青口及扇貝雖然已經拆開，但吃來都幾鮮味。

泰式無骨鳳爪。

咖哩魚蛋及泰式蝦。

還有其他燒烤肉類。

烤台灣腸。

甜品。

雪糕任食。

當然還有汽水任飲。

巡邏完畢，立即開動!在缸中夾蝦沒有特別技巧，想食便夾果隻，唯一要留意是要小心蝦會彈走。

夾起的蝦放入冰筒內冷卻，令牠冷凍暈倒才放在燒烤爐上烤，以防止牠們跳走。

職員先拿了一批冰鮮蝦來燒烤。

每人有一塊A5和牛。

除了冰鮮蝦，亦拿海鮮來燒烤，先試試味道。

店員教路，在爐上舖密一點會比較快烤熟。

大頭蝦相當大隻。

各種海鮮都幾新鮮，味道不錯。

而大頭蝦都很肥美，隻隻都有蝦膏，好味道。

最後吃雪糕，這一種是香港品牌雪糕，味道不錯，榴槤味香濃。

今次吃烤流水蝦，令我想起十多年前，好友丫奴仔(化名)帶我去釣蝦王玩釣大頭蝦(不過經丫奴仔宣傳後變咗話係我帶丫奴仔去玩)，翻查照片原來已經是2003年05月29日去玩的，地點在油麻地，現在已經執咗了，因為疫情關係無得去日本玩，今次我特別在下面的舊照片上加上薄格做紀念。

當時釣到的大頭蝦可以即時烤來吃，而如果釣不到，職員都會送一些冰鮮蝦來燒烤，所以一定有得食，我印象中我只釣到兩三隻，好在有識途老馬丫奴仔睇住，其他蝦都係由丫奴仔釣到。

釣完用竹籤撐好，灑上粗鹽，便可以烤來吃。

當時是用炭火燒烤，吃來有炭火香味，跟今次泰夯蝦用電爐來烤有點不同。

不過炭火較難控制，部份蝦殼都烤焦了，但無影響蝦肉的味道，真的幾好玩，味道亦幾鮮味。