為何今篇網誌不用白楸, 而用風中轉轉轉咁古怪呢? 因為白楸的英文名就是Turn in the wind. 是少數我記得英文名的植物. 當風吹起時, 白楸的葉便會反轉, 令白色的底部露出來飄揚, 很是好看!
白楸是本地植物, 很受本地昆蟲歡迎, 所以如下圖般被吃的葉片很常見.
果實有軟刺, 看來外表有點像另一種我記得英文的植物血桐
大戟科植物葉片近葉柄會有兩粒腺體, 印象中我無學有什麼用途, 我知係用來認大戟科植物. 不過白楸的兩粒腺體係有蜜汁分泌出來, 因而吸引了很多昆蟲聚集在葉片上企定定食野, 我們就很方便拍攝了, 所以話係拍攝昆蟲者的好朋友, 好幫手!
![](https://l.yimg.com/mq/i/icon/16/6.gif)
大隻又有.
個別來食野既,
又有小椿象.
單丁一隻蟻.
椿象的幼蟲.
所以大家如果見到白楸, 不妨停下腳步, 留意一下葉片上有什麼蟲仔啦!
照咁講 d 汁無毒架啦! 你有無試過味呀?
回覆刪除[版主回覆10/19/2007 02:32:00]呢種唔知呀, 有時昆蟲係故意食有毒的植物儲存在身體內, 所以未必無毒, 但未聽說白楸有毒, 我就無試過食...唔清楚唔好試
有時仲會係白楸見到一個個春圈包。
回覆刪除請問"椿象"個"椿"讀音係咪"春"?
回覆刪除[版主回覆10/19/2007 02:29:00]我係咁讀, 其實我見有人用"蝽"似乎比較正確, 不過係unicode有時會睇唔到, 我盡量用"椿"字.
嘩!last果幅我以為係本地盛產0既紅火蟻添!
回覆刪除又識多樣...些些
回覆刪除點解有啲相好細幅ge? 昨天我喺濕地公園見到有本書係專講昆蟲ga,你有無買到呀?裡面有好多昆蟲相,都好靚喎!
回覆刪除[版主回覆10/20/2007 16:46:00]近期Yahoo有點傻傻, 成日古古怪怪, 唔知邊本書呢? 不過我估應該買左了... , 被漁護處搶錢咁搶....
應該係講緊今年漁記新書. 昆蟲萬花筒.
回覆刪除[版主回覆10/21/2007 02:07:00]如果係就已經買左了.
哦! 真係唔好亂試喎 !
回覆刪除咁,你得閒又介绍吓個 d 故意食有毒的植物既昆蟲比我見識見識呀
有呀, 不過無特別講, 只係輕輕帶過講左, 可以睇下以下兩篇舊網誌:
回覆刪除重遇 及 叉角厲椿
我記得本書係$120,真係幾貴.
回覆刪除[版主回覆10/22/2007 14:55:00]係呀, 一套十本, 每本都成百元, 我無買齊, 書展時已經乖乖俾左錢了...
不過我見到有本Hong Kong Plant (Flora?),雖然唔係好多相,但係啲資料都好詳盡,好厚,都只係80幾蚊咋,我諗緊買唔買.
回覆刪除[版主回覆10/23/2007 15:36:00]香港野花? $120已入手, 老實講圖片就真係唔夠, 唔識果種植物就好難憑相認識它, 因為題目是野花就真係只有花的相片.
還是賞樹手記? $80早兩年既書, 呢本比較好少少, 個別植物會有齊各特徵的相片, 但是相都係唔夠, 唔熟植物的話淨睇書都幾難跟, 不過有總好過無, 唔識都總有一天遇到及認到, 總有用到的一天, 所以我總係會買....(我買書的理論/藉口 )
"Turn in the wind" = "Candle in the wind" ???
回覆刪除唔知點解, 你呢個名令我想起 Elton John 首名曲.
師兄對植物有認識,捉蟲又好掂…!
回覆刪除[版主回覆10/26/2007 20:20:00]見笑了, 愛屋及烏, 知多D有助認識蟲仔, 植物唔會四處走, 乖乖等我們研究, 咁就會易D等蟲仔自己來俾我地影, 守株待兔法也!