紅足沙泥蜂

今日下午, 當我在東涌路邊的草叢搜索時, 突然發現前路有一隻蟲在高速盤旋, 細心一看, 見到一條大約4厘米長的綠色小蟲倒在行人道上不省人事,  而圍繞小蟲高速盤旋者, 是一隻膜翅目的紅足沙泥蜂. 泥蜂雖不罕見, 但也並不輕易遇上, 牠顯然對我的出現很不滿.

牠盤旋的用意是捨不得丟下小蟲離開, 但同時又怕我這個不速之客攻擊牠或搶走食物. 泥蜂最有趣的地方是, 會麻醉獵物放在巢內然後產卵, 幼蟲一出生便有新鮮食物享用. 可以長期麻醉獵物, 令獵物動彈不得, 牠的小毒針可不是說笑啊(對獵物來說)! 為了尋找牠的巢穴拍攝, 於是我退後一點等候, 表明我無搶食之意, 並伸出相機表示只想拍攝. 不一會, 牠慢慢回到獵物身邊, 我緊張萬分, 牠如何帶走咁大條獵物呢?

習慣了我的存在, 牠與我心意相通, 知我只為拍攝, 所以佢都唔理我了, 只顧獵物.

雖然我們互相明白立場, 但未知佢點搬條蟲呢? 拖走? 抱住飛? 咬碎?

搞左幾分鐘都唔郁手, 唔通係太大條蟲?

非也! 突然佢一口咬住蟲仔個頭, 抱好角度之後......

原來佢係暴走一族呀!!!!佢咬住條蟲係咁跑!!!!

我都要行快兩步先影到相片, 仲要不斷按快門, 又要追焦, 足足一路影左數十張...

不過只有這幾張比較清楚及位置正中......

佢最後仲過左馬路...一頭衝入草叢失去影蹤...牠前後跑了數十米!!! 勁!!!

我拍攝得很滿足...慢慢回看拍攝結果...沒見到巢穴有點遺憾...下次遇上再努力過!