這是在塔門遇到的戰鬥, 主角正是紅樹蟻(也叫黃猄蟻), 當時黑蟻行行下, 不小心接近了紅樹蟻的領域, 紅樹蟻立即展開攻擊.
黑蟻極力掙扎, 不過增援的紅樹蟻已經合力扣住黑蟻的觸角及手腳.
配合紅樹蟻純熟的走位與步法, 黑蟻已經無力招架, 只能苦苦支撐.
牠們一咬住黑蟻便往外拉, 慢慢令黑蟻筋疲力竭.
使出絕招: 五螞分屍陣! 以比例來說, 相信跟人類全真七子的天罡北斗陣相比也不徨多讓! 紅樹五蟻各有各拉, 黑蟻僅存的力量已經被搾乾, 死亡已經迫近......
真正的殺著出現! 其中一蟻從反方向咬住黑蟻的大顎, 然後用力拉.....
不知道是偶然還是故意, 牠一拉緊黑蟻的脖子, 其中兩隻便慢慢放開, 只餘下拉扯頭尾兩蟻, 黑蟻的脖子相信已經扭斷了!
我彷彿聽到"喀"一聲, 看那扭曲的頭部, 黑蟻已無得救.....
獵物已垂手可得, 帶回巢獻給蟻后.
幾篇介紹紅樹蟻的舊網誌:
烈日當空下痞0係度影埋D咁0野因著中暑呀你
回覆刪除[版主回覆07/01/2009 06:26:00]咁早呀吹兄, 果日有Lisa幫我撐傘子遮太陽, 我影時唔曬嫁.
黃大仙籤文結果 病情 - 唐明皇擊鼓催花（中吉）
回覆刪除[版主回覆07/01/2009 20:26:00]多謝.
弱肉強食的世界很恐怖!!!
回覆刪除我都是第一次看到「五螞分屍」。
那隻螞蟻很慘啊!!!
有時我會想:做人類真的很好啊!
[版主回覆07/01/2009 20:26:00]看螞蟻很有趣, 牠們都是找食物, 黑蟻都會做相同的事, 無話慘唔慘既.
返早咪早囉，我都話少奶岩坎坷咖喇，又熱又倦仲要同你做妹仔擔遮，唉
回覆刪除(Empty)
回覆刪除[版主回覆07/01/2009 20:23:00](Empty)
我興趣係擔遮
回覆刪除精彩....觀察入微
回覆刪除[版主回覆07/02/2009 06:51:00]謝謝, 筏印師兄都大把相.
勁～
回覆刪除[版主回覆07/02/2009 20:34:00]勁惡的蟻!
十大浩邢呀......監生蚊死蟻...
回覆刪除[版主回覆07/02/2009 20:34:00]差不多所有昆蟲遇到紅樹蟻都死梗.
精采
回覆刪除[版主回覆07/02/2009 20:35:00]謝謝.
果然係"五螞分屍" ! 擺個八卦鎮咁 =,=
回覆刪除[版主回覆07/03/2009 00:36:00]睇蟻仔好好玩.
多口問句...隻黑蟻係主動還是.....
回覆刪除[版主回覆07/03/2009 20:00:00]當然唔係主動攻擊! 係一小隊黑蟻行經, 當時有三隻黑蟻, 一接近紅樹蟻攻擊範圍, 紅樹蟻已經撲出來咬住黑蟻們, 不過呢一隻位置影得方便所以先出呢一隻.
哎呀...一入來就見到咁的場面
回覆刪除[版主回覆07/03/2009 20:01:00]近期幾篇都係獵食篇.
好暴力呀~~~
回覆刪除[版主回覆07/03/2009 20:02:00]蟻多"嬲"死象嘛! 呢樣係絕招.
係唔係款款蟻都係咁搵食? 即係下次紅蟻行經黑蟻地盤, 就掉番轉俾黑蟻食?
回覆刪除[版主回覆07/04/2009 05:20:00]唔同種類當然各有不同, 呢一種黑蟻就應該唔會, 牠們應該是四處找食物果種, 入侵的紅火蟻就是會主動攻擊的品種, 其實本地來說, 我覺得最兇都算紅樹蟻, 我影相近一點已經衝過來想攻擊我了.
好驚驚, 唔敢睇落去!
回覆刪除[版主回覆07/17/2009 23:15:00]唔駛怕, 只係螞蟻日常生活的一部分.