泥蜂迷魂針

這也是塔門的照片, 當時在猛烈的陽光下, 真係人都曬死, 何況蟲仔? Lisa發現在樓梯級有一隻昆蟲在拉動蜘蛛, 然後躲在陰影之下, 便立即話我知.

看清楚了, 原來是一隻泥蜂, 之前介紹過泥蜂最厲害是用毒針麻醉獵物, 今次強如蜘蛛也要稱臣, 麻醉力非常強, 蜘蛛可保持不死, 留在巢內直到小蜂出生吃新鮮的蜘蛛肉!  不知道蜘蛛是否清醒呢? 在巢內等待被吃的感覺相信比即死更可怕!

只見牠又開始拖動蜘蛛.

向上拉似乎比較方便.

因為蜘蛛是凌空拉動, 而且是在陰影位.

當到達樓梯級面便拖得較慢, 因為磨擦力大左, 而且曬到死,

所以佢每次都好快拉到級邊的陰影休息一下, 才繼續下一級.

行完樓梯級便到了平路, 平路又長又曬, 別以為泥蜂唔識路, 佢好快就發現平路又長又曬, 便立即轉彎, 走到路邊.

原來是沿欄杆的影子來行, 咁樣就真係無咁熱, 自己同獵物都會好過一D.

行了一段路便轉左落欄杆外的陰影休息一下.

呢一段路比較長, 所以也休息得比較耐.

然後又再出動, 今次已經離開左樓梯範圍, 在山邊出左去.

沿石頭行, 又曬又熱佢都頂硬上.

爬過有斜坡的登記牌.

始終吊起蜘蛛來拉動比較方便.

行動也較地面拉動更快.

可惜佢最後鑽進石頭的底部便沒有再見到了, 看來牠的巢就在下面呢.

今次泥蜂的路徑便是這一條樓梯, 我們發現牠是位於照片的第一級, 相信之前已經是在更前面的梯級爬上來呢! 右邊的遠方便是巢穴石頭的位置, 即是分體冷氣機再前一點, 還見到白色的斜坡登記牌呢!

樓梯之間的長平面便是轉往陰影的位置, 以泥蜂三厘米的身軀, 拉動比自己更大隻的蜘蛛都已經算辛苦, 而且距離還很遠呢! 如果是人的比例, 差不多是攀過一個山頭呢!  四處找食物, 總是能拖食物回巢穴, 的確是厲害的泥蜂媽媽.

還有兩篇曾經介紹泥蜂:

紅足沙泥蜂

為人父母