亞洲足協盃比賽

五月十一日是亞洲足協盃16強賽事比賽的日子, 小弟難得放假, 返公司做完手尾便跟兄弟入場, 睇一睇本地波支持一下. 今場賽事是香港主場的南華決戰巴林的亞爾利化, 最後收到消息共有二萬二千多人入場.

屈指一算, 我上一次入場已經是很多年前的賀歲盃, 大約有八年吧...已經忘記了多久了.

近年南華在支持足運上相當努力, 今年再度進入淘汰賽事, 而且取得主場優勢, 所以來看看支持一下, 一進場相方球員已經在場內進行熱身運動.

比賽準備開始, 列出雙方球員名單, 南華有多名主力球員停賽及受傷, 實力打了折扣, 加上對手實力亦較強, 所以賽前會方已呼籲球迷穿紅衣進場, 加強聲勢.

球員出場!!

比賽開始! 一開始南華採取主動, 乘主場聲勢向對手施壓, 不過對手有幾位是巴林國家隊成員, 經驗豐富, 以一踫即跌倒地來反施延時間, 等南華氣勢下降再反撲.

之後南華雖仍然主導球賽, 但對手反擊已漸見威力.

阿爾利化球員乘一次突擊, 以一記妙射倒掛破網, 雙方終於打開了缺口, 沒想到南華不足十五分鐘便失守, 球員球迷彷如淋了一盤冷水, 而球迷很快又再狂叫鼓勵南華球員.

之後再開波南華立即施壓希望收復失地, 但對手領先下更冷靜應戰, 一記直線傳波, 前鋒單刀再次射入, 三分鐘內連失兩球.

南華慢慢再組織攻勢, 但對手領先兩球, 當然會以防守為主, 終於由2號李志豪狂踿一球死角波入網, 下圖剛好拍攝皮球飛到龍門的死角位.

半場比數一比二, 南華落後, 半場時球迷們都休息下.

吉祥物都出來打氣.

之後下半場仍然是南華主攻, 對手則慢慢來踢.

這位10號球員是射入第二球的功臣, 為一球界外球鬧球證而領黃牌.

南華班主羅傑承及女友.

角球一斬

龍門救波後在沒有人踫之下無故倒地受傷, 起初還以為是真的, 但這情況前後出現了四次, 令人難以置信.

球隊無起色, 於是換前鋒陳七(陳肇麒)出場, 受傷都要頂硬上!

結果80分鐘反被對手再一次突擊破網.

完場前小插曲, 對方26號球員飛踢南華球員, 領紅牌趕出場, 不料他不服判決, 全場球迷勁噓佢, 在他的隊友勸導下才慢慢離開球場, 在場邊球迷又狂指鬧佢甚至有什物丟向佢, 佢又坐在地上唔肯走, 又浪費不少時間.

還未完場已經有不少球迷離開了.

終於輸了一比三.

我們都跟住走人, 真係都幾多人喎.