2015日本中部之旅夾夾機篇

今次行程很少玩夾夾機，因為除了名古屋市，其他地方都沒有遇到夾夾機店，雖然少遇到，手痕之下都玩左幾次，只可惜很少鬆弛熊公仔。

第一次遇到鬆弛熊就在大須觀音，當日已經係第五日的晚上。

當日找店員放了一套公仔俾我夾，不過唔記得最後玩了千五定二千円，總之一套齊哂。

又見到一大條毛巾，夾了約千五円。

之後一晚在榮遇上一間。

這個大咕臣是五百円夾六次，於是入五百試試，發現都幾好力，不過發現這是特別機，上面係分成兩個夾，每次要控制兩個夾去不同位置，試過只有一個夾是不夠力的，一定要兩個夾同時發力就好易推出公仔。

呢張係後來拍攝的照片，因為中間兩個已經被我們夾走了，先控制左邊，然後右邊，但最重要預留足夠位置俾右夾。

成功夾完白色還有三次剩，當然要夾埋啡色。

第一晚玩了2100円一對，主要係夾第一隻白色鬆時試多幾次，之後第二隻啡色鬆在玩完第2000円後，要夾多一次先成功，成績都不錯。

回酒店拍攝一對。

另外見到這一盒綾波麗Figure被人玩左幾下，於是試試發現都有機會成功，終於最後總共1300円完成，本身我好少玩呢類機，因為試過好多地方都真係夾唔到。

右手邊玩了五百，完全失敗，左邊果部無玩。

然後是在名古屋港遊樂場玩過。

夾了一隻，200。

呢盒朱古力都係玩咗200円，本來只係試試，第一下就只差少少，再試就成功了。插中小洞就可以釣出來！不過另一部玩了一千円夾多啦A夢都失敗了。

之後經過榮時，又上去快速夾了一對，今次超厲害，1000円完成一對！

最後在Bic Cam地庫，無乜野玩而且無鬆弛熊，結果食物都玩埋。

估唔到咁易，我一般少玩夾食物，印象中其他地方玩過都唔易的，但今次平均三四次就夾到，雖然試過間中勾唔到個圈要玩成十幾次先得。

薯片都夾埋。

結果第一次夾了成堆食物。

第二晚又去夾食品。

反而最後一天在大須觀音見到大隻鬆，玩了一千都唔得，算了。

呢啲就係今次的收獲，大大話話我們都玩了近萬円，今次多數係試唔同玩具而駛左錢。