2007年9月8日

水浮蓮

今日上午有時間, 終於去左蕉坑止咳, 池塘仔見到種左一種植物, 叫水浮蓮. 水浮蓮屬雨久花科, 原產地南美洲, 平時浮在水面上, 有時會長滿池塘.

花朵淡紫色, 開花時整片池塘都開花, 很是漂亮, 所以世界各地早期都引進這種觀賞花. 不過漂亮的背後隱藏著殺機....

水浮蓮的莖有一個脹大了的氣室, 裏面是海棉狀的空間, 用來浮起整株植物在水面, 我記得切開裏面是一格格像蜂巢.

為何它有殺機呢? 其實係因為它生長及繁殖速度極高, 生活在淡水的池塘及湖泊時, 會完全遮蓋住湖面令陽光不能透入湖底, 會令水底植物吸收不到陽光死亡, 若生活在河流, 它們會逐漸堆積在一些河道位置, 令河道水流減弱, 影響河道生態.

下圖是去年我們去沙巴生態旅遊時所經的一條河, 其中一部分有大半條河已經生滿水浮蓮, 船也不能駛進去, 因為可能會"戟"住摩打, 導遊指都間中有人清理, 不過生得太快了, 無計. 好像陸上的薇甘菊一樣可怕!

7 則留言:

  1. 水浮蓮好靚呀... 多謝你的自然教育課

    回覆刪除
  2. 水上水浮蓮,陸上薇甘菊,兩者皆可恨也! 居然被下面呢位稀客食在我頭啖湯....

    回覆刪除
  3. 係呀, 我上網查下相關資料時, 大量有關它污染地方的報導, 世界各地的河道都有這些污染問題.

    回覆刪除
  4. 師亨...唔該你排好一點次序啦!!!!!玩死人咩 正當人家好興奮睇到 [不過漂亮的背後隱藏著殺機 .......] 接著介紹 [水浮蓮的莖]....殺機係莖到....原來未係, 原來是 [有一個脹大了的氣室].... 噢, 我知啦, 一定係個氣室有毒, 會爆? 定係人家多手切開會有毒氣???? [裏面是海棉狀的空間]...嘩...好毒呀!!!  [我記得切開裏面是一格格像蜂巢]...吓...真係切開左, 咁咪好毒   咦...榕樹頭阿叔, 點解講講吓停左......係唔係個氣室有毒呀 .......  真吹脹....原來頭先跳左一part, 未講住, 介紹完個氣室, 先講番[為何它有殺機呢?]................... 真 係 啤 一 聲

    回覆刪除
  5. 算把啦, 我都係吸引你去思考, 有思考自然容易入腦, 咁你又認識多一種植物了!

    回覆刪除
  6. 呀, 漏左, 其實水浮蓮根部比較有營養, 所以不少農民會在池塘由得它生長, 然後採來餵豬, 不過豬農減少, 池塘荒廢, 便成為水浮蓮天堂.

    回覆刪除
  7. 又係好似香港薇甘菊咁無左天敵,唉~~~

    回覆刪除