而且除了水浮蓮, 還遇到特別的事件, 印象深刻. 昨天見到這一隻大竹象鼻蟲倒在地上掙扎, 牠屬鞘翅目(即是甲蟲)象甲(象鼻蟲)科, 又叫大竹象或直錐象(圖鑑名字), 但我喜歡大竹象鼻蟲, 型D. 作為生態拍攝者, 我應該拍攝牠被蟻肢解, 搬回蟻巢儲存或享用, 牠應該是降落時失足反轉左, 螞蟻們剛發現牠開始進攻...自從03年後, 我未遇過大竹象鼻蟲, 救牠嗎?
終於, 拍攝大竹象鼻蟲的慾望戰勝了拍攝牠被肢解的想法...先用口吹吹...螞蟻們驚慌四散...我伸出一隻食指輕放在牠上面...牠便捉緊我的食指在上面休息...
注意: 未有對蟲仔有認識切勿摹仿, 以免認錯蟲生危險.
牠的脛節原來好尖, 結果開始插左入手指少少滲血...我唔怕痛, 但佢仍然好驚唔放手, 我將牠放近竹旁等牠爬去竹, 等左一陣都唔得, 最後唯有用手拉佢放手, 但又要小心唔好整傷佢...結果手指頭拉時割開左兩條5mm左右的小傷口, 損失少量血, 牠完好無缺, 好彩! 然後放牠回竹枝上, 影完相, 呼.....飛走了! 拜拜!
這是03年在海下灣見到的大竹象鼻蟲, 之前一篇網誌說過, 牠的咀在象鼻尖端, 用來咬穿竹的表面, 伸進入內部吸食汁液, 牠全長一吋多一點, 是香港最大的象鼻蟲.
下圖可看牠如何捉住竹枝, 腳尖的附肢用來向上爬時使用, 所以進食不必用.
看! 鉗得好緊呀!!
牠喜歡吃堅硬竹枝.
象鼻蟲的頭部很特別, 很似遊戲機的手掣控制桿, 可作有限度的轉動. 想想米缸內的穀牛及迷你的長吻象鼻蟲, 就像一隻狗跟一輛貨櫃車的比例!
我諗起許哥今日同我講一套外國電視劇：女主角係解剖官，佢有特殊能力感應到受害者，就會回到過去，於是佢阻止兇案發生；到Season2，劇情一轉到男主角，佢有同樣能力，但佢目的係阻止女主角，因為佢認為女主角是正在干擾時空秩序 你究竟應該救得一命得一命，還是任由大自然的汰弱留強？
回覆刪除救得就救啦!!! 最緊要係活得開心.
回覆刪除你雖然救左隻大竹象鼻蟲，但同時亦抹殺左螞蟻令佢地失去食糧，天然的食物鍊亦被你影響，咁算『救』嗎？
回覆刪除吹兄悟性果然高! 有一D行為就好肯定唔可以做, 如胡亂殺害不同動植物等, 但呢一個問題係討論左好耐, 現在最多人亦接受係唔好理, 由得佢被螞蟻食, 我都傾向呢一個方向, 但我又唔會話強制性一定唔好搞, 始終一踏入大自然已經影響緊, 行行下都會不小心踏死一些, 只有叫自己多留意, 如果今次象鼻蟲已經死死下, 我當然由得佢啦, 不過見到佢掙扎得咁勁, 都係一個唔小心, 加上私心想影相就救左佢. 人類其實就是唔喜歡適者生存呢一個道理, 所以要改變世界, 大自然是很殘酷的, 一不小心, 受傷, 年少老弱就要面對淘汰死亡, 人類因為有道德愛心, 所以會加倍愛護老少傷殘, 人人都不想自己被淘汰, 於是跟大自然形成相反的情況, 那...人類如何才能找到出路? 我答不上, 亦無能力改變其他人, 還是安安份份, 做個小市民.
回覆刪除